新巴黎越南餐廳 (Closed)

一直以為因為呢間餐廳位於銅鑼灣鬧市，peak hour 需要排隊，但卻偏偏相反，唔使等之餘仲要有吉枱。餐牌方面食物選擇比較多，有飯有麵有小食。除左有傳統越式生牛肉湯河，香煎豬扒雞翼飯外仲有海南雞飯。價錢上五十幾蚊有一個，唔算貴，仲包一杯熱飲，份量亦都正常。小食方面加叫左蝦餅同春卷，反而蝦餅個size 偏細。上菜速度快，可以快快食完去行街。我仲見佢地有賣新鮮蝦片，一包都係二十蚊，值得一試。 希望多啲人去試佢地啦。香港已經愈來愈少經濟實惠既餐廳。