Video
Read full review
2020-01-14
916 views
近年香港都多咗好多餐廳食石板牛🐮，而我都愛上咗食🥰，最近就比我喺太子發掘咗間都係食石板牛嘅餐廳。呢間餐廳好似日本咁自助點餐，有部自動販賣機自己去點餐，如果無咩idea想食咩🤔，唔駛怕，牆上有好大幅牛肉主要部位之圖解，教你點樣去辨認牛嘅部位。又或者可以上wechat掃下個QR code就可以了解多少少。最後揀咗個牛肩肉400g同埋磊牛扒300g。職員比咗部機我，等部機閃燈就可以自己去拎餐。幾分鐘之後已經有得拎，本身塊肉只係1成左右，表面熟透，但係要睇你想食幾成熟而自行再用熱石去整熱塊肉，先將佢切開細細舊再慢慢整熱去，我個人就比較鍾意食7成熟。牛扒同牛肩肉食落去都好有肉味，肉嫩多汁😋，而牛肩肉食落去就比牛扒厚身少少。食牛嘅時候仲有幾種醬汁比你揀，有照燒汁、黑椒汁、胡麻醬，另外仲有黑胡椒同玫瑰鹽。出面仲有自助吧，有沙律🥗、泡菜、泡蘿蔔、白飯🍚、麵豉湯，而飲品方面亦有洛神花山楂茶、菊花茶🌼同綠茶🍵任你揀。店主仲好細心，如果怕啲汁彈污糟件衫，出面有圍裙比你拎，咁就可以安心進食啦。
近年香港都多咗好多餐廳食石板牛🐮，而我都愛上咗食🥰，最近就比我喺太子發掘咗間都係食石板牛嘅餐廳。
呢間餐廳好似日本咁自助點餐，有部自動販賣機自己去點餐，如果無咩idea想食咩🤔，唔駛怕，牆上有好大幅牛肉主要部位之圖解，教你點樣去辨認牛嘅部位。又或者可以上wechat掃下個QR code就可以了解多少少。最後揀咗個牛肩肉400g同埋磊牛扒300g。職員比咗部機我，等部機閃燈就可以自己去拎餐。
幾分鐘之後已經有得拎，本身塊肉只係1成左右，表面熟透，但係要睇你想食幾成熟而自行再用熱石去整熱塊肉，先將佢切開細細舊再慢慢整熱去，我個人就比較鍾意食7成熟。牛扒同牛肩肉食落去都好有肉味，肉嫩多汁😋，而牛肩肉食落去就比牛扒厚身少少。
食牛嘅時候仲有幾種醬汁比你揀，有照燒汁、黑椒汁、胡麻醬，另外仲有黑胡椒同玫瑰鹽。
出面仲有自助吧，有沙律🥗、泡菜、泡蘿蔔、白飯🍚、麵豉湯，而飲品方面亦有洛神花山楂茶、菊花茶🌼同綠茶🍵任你揀。
店主仲好細心，如果怕啲汁彈污糟件衫，出面有圍裙比你拎，咁就可以安心進食啦。
Post
