山翠熟成牛料理 (Closed)

之前同朋友慶生，佢話想食牛所以我地就嚟左呢間食熟成牛嘅餐廳試下！熟成嘅做法係利用牛肉本身帶有的酵素破壞肌肉的結締組織，令牛肉更加嫩滑。見網上好似好多人食牛腰肉，我就嗌咗2週乾熟成牛腰肉料理。我朋友就嗌咗2週乾熟成牛骨肉料理。 話明生日嘛，所以我地就再嗌咗兩杯黑糖梅酒同朋友點名嘅烤日本芝士年糕。首先上枱嘅係跟料理嘅湯同沙律。湯入面係有牛肉嘅，但係湯嘅味道有啲似冇落鹽嘅羅宋湯，有少少奇怪。烤日本芝士年糕就好好味啦。個皮有少少燒焦嘅味道，一咬入去識勁軟！仲要拉絲！ 同放題嗰啲好唔同架！值得嗌！主食方面，我同朋友都覺得牛腰肉好食過牛骨肉。不過因為可以撈飯食嘅肉唔多，儘管個飯嘅份量好細，我同朋友都食唔哂。但係大食嘅朋友係可以免費添飯。總括而言，成餐冇乜特別嘅記憶點，水平一般。