鴨仔冰室 (Closed)

今日同父母黎公司附近鋸扒，而家周街都係冰室，就睇下呢間冰室有啲咩特別啦！價錢都幾合理，每個餐加$5就會有餐湯/沙律+飲品，汽水就再加多5蚊，我地梗係每個餐都加啦！沙嗲牛肉煲仔麵配奶油多士（$50）：呢個煲仔麵好特別，可能係個湯特別，所以Menu講左係限量供應嘅，可能我地早到啦，所以重有得食！湯汁偏甜，好濃嘅，同啲麵好夾，啲麵都唔會整到稔晒，口感好好！奶油多士係薄多士黎，我係中意薄多士，焗完係香脆，份量亦唔會好多，岩晒細食嘅媽媽！鴨仔鐵板什扒（$128）：一黎到真係哇出黎，份量真係好多，有牛扒、豬扒、雞扒、司華力腸、重有鋪滿成塊鐵板嘅意粉，要搵隻碟分開食咁啲意粉先切到啲扒，好誇張！唔係份量大就得，味道都好好，牛扒set左7成熟，都還好，唔會煎到過熟硬晒，肉味重好濃，岩晒大食嘅男士！鐵板西冷牛扒配薯條（$138）：我係牛魔王黎，今次梗係又要簡牛啦，餐廳一樣set左7成，我request左5成，餐廳話盡幫我改做5成，結果我塊扒的確係比什板果塊牛係生啲嘅。肉質好鮮嫩，牛味都好濃，我簡左蘑菇汁，同塊扒同薯條好夾，薯條索晒啲汁真係好正！今次呢餐真係食得好飽，如果唔食扒重有好多平價嘅餐簡，見到都好多