琛仔小廚

Open Now

Now Closed

今日又係大埔搵食，友人又話要食扒。大埔要食扒，雖然唔多選擇，但其實質素都唔錯。市區大部份餐廳食扒，都落左好多粉，搞到啲肉好鬆。但今次呢間唔同，我地第一次去日，就知道實會返兜。我地一人叫左一份牛柳，要5成，跟餐。首先上左個餐湯，南瓜湯。本身我就唔太好南瓜湯，因為太甜。但出乎意料之外，呢間南瓜湯偏向咸，就好合我心意。到個扒上黎，我叫左跟飯，個飯好大，個扒都唔細。切開，真係5成，好少可叫完扒餐要5成熟，個扒又真係得5成。個扒好多肉汁，好好味。如果唔係有個飯，個扒係唔需要汁黎調味。真係好好食。大埔冇咩野食，呢間真係要bookmark低。