琛仔小廚

Open Now

Now Closed

由鋪得10個吧檯位，做到而加xx街新鋪(新左幾年), 睇得出有心機整食物，今日同2個小朋友去食，懷緬過去在大埔既日子。今日叫左B餐黑椒肉眼扒意粉，同R餐香煎芝麻蜜汁雞扒意粉，估唔到雞扒好食過牛扒。雞扒煎得剛好，雞皮香脆，雞肉嫩滑，蜜汁甜度適中。小朋友都讚好好味。之前食佢既蝦多士都好脆口，蝦味濃郁，下次經過大埔一定會再黎。keep住做細鋪有樣好，就係可以保持食物既質素，同埋家庭生意果種人情味，依D就係大型連鎖店比唔到既感覺。一定要keep住依個味道！

話說今日1:00打電話落去嗌個外賣都成1點5先有得拎返到屋企一切開個豬扒就已經係全塊生㗎喇打去好聲好氣同佢講唔好意思，叫左個外賣但成塊豬扒都係生，我唔得閒再落黎換，你直接退返錢俾我啦，我影返張相俾你睇啊。之後廚房大佬話整個過個俾我唔可以退，我就同佢講我真係唔得閒落嚟啦我退錢啦唔該，我影返張相俾你睇，轉頭落嚟俾你睇退返錢啦。之後有個呀姐同我講你唔好咁嘮嘈啦，你話生都要有個證據啊，你直接成個生嘅豬扒拎返落嚟我咪退錢俾你囉。我真係好谷氣我就落番去俾番佢個廚睇呀廚房大哥笑笑口話:我地都忙 係咁嫁喇咁既態度

#20240824 🤍📍 #琛仔小廚 大埔南盛街19-23號南盛閣地下3號舖➖➖➖➖➖➖➖➖➖➖➖➖➖➖➖➖➖#牛油蟹肉意粉 $64💭 一上枱心諗唔係掛，用啲蟹柳扮蟹肉🤨原來唔係，係個蟹柳個底下面仲有真 。蟹肉既，份量可以接受，意粉煮得偏淋身，但用牛油炒過仲有唔少芝士碎就變得好惹味🧈再加埋車厘茄同翠肉瓜有口感又有營養，性價比甚高呀🍝.#法式紅酒炆牛尾配煎薯仔 $64💭 呢度啲餐唔係配飯、意粉或者薯菜咁簡單，佢地薯類可以揀薯蓉、薯條、薯仔、煎薯同埋炸薯餅，真係應有盡有🥔叫左煎薯，表面煎到金黃香口，入面軟綿綿，係略嫌味道偏咸，牛尾每舊都細細粒但數量都好多，充滿膠質，平民價格尼講算食得過🐮.#大埔美食 #🐷在大埔 #🐷_食

今次去咗間平民價格，但質素一流嘅西餐廳，真係令人食指大動！店內環境溫馨，有家庭嘅感覺，坐落一角嘆一頓好食都幾寫意 😋 。Order咗個黑椒牛扒，等嘅時候都感到好期待。牛扒上嚟嗰刻，真係香氣撲鼻，睇落已經流晒口水！黑椒醬香濃得嚟又唔會蓋過牛肉嘅味，正所謂「夠哂香口」👍。肉質嫩滑，火侯掌握得恰到好處，一刀落去，肉汁喺口中滿溢，「滋味十足」得很。配上嘅蔬菜炒得脆口，色彩繽紛，再加埋啖啖肉，真係爽到翻天。其實，來到呢間小店，仲有個「好正」嘅薯條都值得提一提。炸得金黃鬆脆，每條都好夠味，「夠哂薯味」。而家諗起都仲想再食！最後，餐後甜品，個焦糖布丁都係半價優惠，吃落又香又滑，簡直係「完美收場」🍰。整體黎講，呢次食飯體驗真係「一流」，以後一定會再嚟！

平時我都會KEEP FIT每次想食得健康少少都會黎呢間野大埔南盛街21號南盛閣的抵食西餐琛仔小廚，當中的雞扒我每次都會叫唔想肥，又有蛋白質佢又煎得香口，食落仲有汁好正我朋友就鍾意食呢到的牛扒配埋薯仔好飽肚

朋友差唔多16:00到場，坐底已同一位男仕叫餐，叫餐後突然廚房內有位女仕出嚟話佢哋收16:00要落場，咁因為朋友已叫所以費時走（因為朋友聽到男仕接單後立刻入廚房內將塊扒煎嘅聲），因為我未到嘅關係所以我果份未落單，位女仕就不停吹我朋友搵我，咁我朋友就16:00ws問我食乜，我就覆佢食乜同落單。其實我朋友入坐時都差唔多16:00，其實可以同我哋講聲佢哋要落場，我哋其實可以揀唔食，唔駛攪到好似好趕嘅，仲要阻人收工咁。我哋叫咗份午餐牛扒跟飯，好彩有叫飯，塊扒咸到一定要同飯一齊食，朋友叫咗牛柳同樣咸到爆。杯凍啡仲衰，一嚟到飲咗少少發現好似甜嘅奶水，問個店員可唔可以幫我加番d啡，咁佢好好都有幫我加，但加咗都係一樣，淡到有微弱啡味嘅奶水。如果鍾意飲啡嘅朋友，請乜叫。第一次幫襯，亦唔會有下次

作為大埔人，成日去開大埔墟嗰頭食嘢，發現到琛仔小廚呢間小店！係一間性價比高嘅隱世小店！午餐嚟食，有十幾個午飯選擇可以揀，四五十蚊就可以食到高質西餐，大推！我食咗佢個豬扒，可以配飯、意粉或者薯仔，而薯仔再有分幾種：薯蓉、煎薯、薯條同埋薯餅，可以話係好多款揀，任君選擇。我就揀咗配煎薯！佢嘅豬扒會配一個汁，係一個好好食嘅汁，食到我好想叫佢加汁，不過太邪惡就冇咁做。而佢嘅煎薯都煎得非常香，外脆內軟，好有驚喜。朋友就叫咗乳酪雞扒，又係肉正汁好味！佢就配薯蓉，好Creamy，同個汁同埋D雞肉都好夾。不過環境就相對細D、逼D，佢有樓上位，都唔大。如果想舒服坐低傾偈就未必最啱，但想食一個好食嘅午餐，絕對係不二之選！

大埔區嘅人好多都知呢間餐廳高質，價錢極之親民，但食物非常高質，仲有埋擺盤，色香味俱全。呢度午餐特別抵食，最平50幾，最貴都唔超過$ 90，但有超過10個餐可供選擇，有扒、有串燒、豬、牛、雞、羊、三文魚，真係好多款式可以揀。最特別係配菜薯仔，因為有唔同烹調方法可揀:煎薯、焗薯、薯條、薯蓉。我每次嚟都係食呢個M餐：香煎烤汁牛脷，每件牛脷都係厚切，兩面都煎得金黃，非常香，難得嘅係咁厚身嘅牛脷完全唔勒，更加唔鞋，$ 55食到呢個份量，呢個質素，呢個味道，簡直係無敵。話說呢度老闆係外國大廚回流，所以對食物質素同外觀都極有要求，所以呢度食物真係唔會令人失望。⭐⭐⭐⭐⭐

朋友介紹了一間位於大埔南盛街21號南盛閣的抵食西餐琛仔小廚。我朋友都是keep fit 人士， 就介紹我點以下的午餐。午餐A - 乾酪雞扒， 可以選配沙律菜， 跟雜菜湯。不含澱粉質， 很適合減肥進食。雞扒含有蛋白質， 如果想減肥效果更佳， 可以不吃雞皮。 雞扒配的乾酪醬又不高卡路里。雞扒煎得香脆， 配上微酸的乾酪醬很醒胃。沙律菜脆卜卜、爽口， 雜菜湯有益健康。餐廳看似座位不多， 但是有閣樓的"樓上雅座"， 所以座位都不少。 如要等位的話， 等候時間都不會太耐。

喺大埔附近返工呢間都算我同啲同事嘅食堂之一我哋大家都好記得佢星期一就會休息所以大家想食嘅話千祈唔好摸門釘講返食物先其實呢度嘅嘢食性價比超高特別係午餐！！而我每次都係叫A餐乾酪雞扒雞扒煎到外面勁脆同埋有兩塊份量好足夠佢個醬汁真係好似有啲Yogurt嘅味道再加上左啲香草 好creamy又好開胃其實平時我都係食煎薯做配菜冇皮嘅薯仔每邊都煎得超級香配菜除咗煎薯仲可以揀薯餅意粉飯另外仲會俾啲沙律菜不過因為最近減肥我心血來潮問可唔可以將所有配菜轉晒做沙律🤣點知又真係得！完全係一個生酮餐🤣同埋呢度嘅檸檬茶走甜都唔會太澀減肥人士友善嘅餐廳👍🏻

小店平民餐今日黎到大埔ge 琛仔小廚, 見到餐牌around 每一樣野都係$70-90一於入去試一試~入面有2層, 座位唔多, 都相對坐得比較逼Weekend 通常都見佢要排隊先入到去佢會有個湯湯係正正常常一個西湯, 冇太大特別叫左佢個dinner set: 牛尾配薯蓉分量我覺得岩岩好for 女仔, 佢唔會有好多牛尾比你, 而且牛骨頭偏大舊ge不過佢ge 汁配對會令你不停食佢ge 薯蓉薯蓉就creamy以呢個價錢黎講, 我覺得係幾好!

😍😋香煎黑椒牛舌配煎薯。去咗食牛舌，呢次係我第二次嗌呢個餐，今次係因為見到其他人叫牛舌個賣相唔錯，所以再次試吓。今次感覺比上一次改良咗，牛舌肉質非常軟熟，煎得外脆內軟，加埋個黑椒汁更加提到個牛味出嚟😋🤤欣賞呢個大廚會改良食材質素同烹調方式，精益求精👍🏻👍🏻好鍾意呢到嘅薯菜款式好多，有薯條、薯餅、薯蓉同煎薯，滿足晒愛食薯仔嘅你。我自己就鍾意食薯蓉同煎薯，薯蓉夠creamy，煎薯夠香口，燶邊好正！🤤好好味！野飲方面，我最喜歡呢到嘅奶茶，有好香嘅茶味，質感好醇滑，稱得上一杯港式奶茶，令人回味無窮！🥰🥰正正正，咁嘅平民價錢有咁嘅西餐質素，係大埔隱世美食吖！

大埔琛仔一向區內出名，大埔好野黎。由公司行出嚟最少20分鐘，天氣熱都阻止唔到我對呢個餐廳嘅熱愛😊午餐食過好多次了，但每次都好專一食A餐，奶酪雞扒真係好好食。雞扒煎得脆，而且非常嫩滑，大大件。啖啖雞扒香味，每次食都唔鞋口。配有少量沙律，沙律都好足料，有齊蕃茄、青瓜、生菜，沙律醬溝得好均勻，職員用心烹調。主菜可選飯/意粉/煎薯/薯，我每次都食薯餅，煎得岩岩好，外層脆卜卜，配奶酪醬真係好正架。以後會更加多來食

很久無寫食評了，差不多兩年了，就是給這餐廳氣的，同時也不想其他人跟著中伏。叫了$90的牛扒配紅酒黑椒汁跟薯條，但成餐感覺就是中餐扮西餐，湯不是西湯，而是有點似罐頭雜菜加到中湯里，喝下是清清淡淡的。$90餐的牛扒是簿牛扒，厚度就是平時早餐吃到的，面積也就大一點，最好笑的是侍應問我幾成熟。最後就是很咸，廚師應該當成厚牛扒來放鹽，所以鹽放多了。吃的過程中，聽到有客人說不熟，再看侍應手上拿的咖哩，嗯，無言了。

周圍去找野食係我強項，今日我就來左大埔找好野食，大埔有好多性價比高嘅小店，今日又比我找到一間質素幾高價錢又平民嘅西餐廳😆我今日又叫左兩個set lunch 來試下啦，我就叫左果乾酪雞扒配意粉及捷克豬扒配薯菜乾酪雞扒意粉雞扒煎得幾香口同埋我最喜愛佢果自家制乾酪汁捷克豬扒配薯菜通常一般餐廳係畀薯條加埋啲雜菜，而呢度係煎薯仔幾有驚喜同幾特別，而我鐘意果豬扒係無用鬆肉粉來醃的，同埋食落都幾juicy🤩，我鐘意