華康茶餐廳

Open Now

Now Closed

每次去完電影中心睇戲，都會路過華康茶餐廳，因着各種原因，都未曾入去食嘢。今日，終於第一次來食返個下午茶餐！華康係舊式嘅茶餐廳小店，鋪面細小，仍保留不少舊日味道：包括門口冰櫃、充滿線條美感嘅舊式窗框裝潢（分別在大門口旁和水吧吧頭）、地下墨綠色紙皮石地板，以至牆上嘅時鐘，都充滿着懷舊嘅氣息！餐牌上都是傳統的茶餐廳食物，但沒有什麼所謂首創、獨家、必食嘅推介。我隨意點了一般茶餐廳最基本的～西多士、凍檸茶。西多士上枱的模樣沒有什麼特別驚喜之處，只是一件普普通通的茶餐廳西多士，由兩塊方包夾花生醬做成 ，炸得乾身不油膩... ... 但是當食落去，就覺得味道好特別，越食越好味，中間那層花生醬滲透着一陣陣鹹香味，配上西多士上必備的牛油和糖膠，是一種有豐富層次感且複雜的美味！食完西多士，見到佢仲有賣咖咉多士，心思思又叫了來吃，但味道非常一般，沒有椰香味，跟在新加坡吃的相差太遠了，所以不作推介。雖然這裏只是平凡的味道，但大家請好好珍惜小店那份舊有的情懷！今天不去珍惜，明天就會失去，不要等到失去時，才來打卡、懷緬和悼念。