海街丼 (海光街) (Moved) New Location

去開鰂魚涌做嘢，晏晝想食魚生飯，此區有兩間想試，睇過餐牌，見海街丼價錢平少少就先試。環境幾有日本feel，鍾意嘅，不過座位有少少迫，寫字樓區地鋪係咁上下。叫咗吞拿魚蓉蟹丼$150，擺上枱時頗驚喜，係幾靚，但望真啲，餸唔算豐富。吞拿魚蓉都幾黏腍送飯唔錯，蟹膏反而量多，鹹香啱口味，怕腥者或不喜歡，三文魚子份量相對少呢。前菜的壽司醋果凍則太酸，有啲乸喉，咳咳。加一$165埋單，一般般，間中一次lunch，尚可。