甘味讚岐手打烏冬 (Closed)

老老實實，將軍澳商場多，連鎖食肆亦多。11點幾未到lunch繁忙時間，見餐廳開左，就呢間啦!時間尚早，餐廳入面食客唔算多，可以坐得鬆動d。睇下餐牌，最終決定食「豚似生薑燒定食」。麵豉湯：有蔥花同麵豉，咸咸地，無咩特別。粟米沙律：見佢個樣頹頹地，無咩期望之下，估佢唔到d粟米又幾ok，清甜，蛋黃醬亦無喧賓奪主。主角豚肉生薑燒：最奪目o既一定係果2片鮮黃o既蘿蔔乾，為什麼要放上去呢？稔唔明...d味都唔夾，其實佢當漬物分開上會好d。等我夾返塊豚肉食o下先，嘩！不得了真係，o趙到我牙骹都軟埋，典解...典解豬肉可以硬成甘？定係我年紀大喇，牙力唔夠好？嗚...五穀飯：原來......主角其實係佢! 米飯做到粒粒分明，穀物香味四溢，夾起米飯唔散，黏度十足，呢個飯混合不同穀物，好有咬勁，幾好。