四眼仔腸粉

Open Now

Now Closed

今日，又黎到粉嶺聯和墟呢個小天堂，揾寶寶食下午茶，經過四眼仔腸粉，見到長長人龍，排隊黨又出現了？？當然唔係，四眼仔魚蛋腸粉係真係抵食又好味，雖然好似話加左價，但都仲平過外面一大截，良心小店，唔怪得咁受歡迎。平到笑 3蚊魚蛋燒賣。。去邊度揾！最低消費六蚊，好易過放心！大大包都係15蚊咋，我地買左：6蚊腸粉，腸粉爽滑，凍左都唔會痴埋成舊粉。3蚊魚蛋，魚蛋無加發粉，係走煙韌路線，食落隱若有一股陳皮香味。3蚊燒賣，魚蓉燒賣有咬口，唔係粉。3蚊豬皮，豬皮爽口好味。