時代冰室 (公主大廈) (Closed)

去咗時代冰室食過好多次，基本都係食好出名嘅咖喱牛腩飯或者配餅。咖喱牛腩分量好足，大大碟好抵食。薄餅分量少小小，但白飯就好多，男仔一碟都夠飽肚，女仔可能要少飯-1HKD捐俾公益組織啦。咖喱味好入到牛腩裡邊，咖喱層次都算多，係好港式個隻味，裡邊仲有D 土豆小番茄。下午茶時間去食，平好多，仲要有漢堡包食。個包外層好多芝麻，食落口好香，加多5HKD 就有多兜薯角。漢堡扒質量都okay，包埋杯野飲一共30+HKD ，都算抵食。