Channel 3 Tapas Bar & Restaurant

Open Now

Now Closed

平安夜難得收早可以與太太一齊去食晚餐，預祝聖誕，仔仔仲俾咗$800 sponsor我哋慶祝，去了太子酒吧，見呢間比較旺就入去試吓，職員態度幾好，一坐低就即刻送咗啲小食薯片俾我哋，太太覺得好好食，我同佢講去親酒吧呢都係免費小食，食完之後職員即刻同我哋再添一份薯片，我哋最後叫了紅酒白酒頭盤大盤同埋佢介紹嘅龍蝦湯，計落啱啱好大約$800，但最後埋單張單$908，我都不為意諗住服務費，就冇攞張單，之後同太太一路行一路計，點解會多咗$100？最後因呢次晚餐搞到我哋兩個發生拗撬，太太怪我冇check單，之後我就搭返車去酒吧攞單，睇完之後原來要收兩份薯片錢$90，我真係呆咗一下，兩杯酒只係$136而薯片要$90 ，未試過去酒吧薯片要收錢，我仲同太太講去酒吧呢啲小食係免費嘅，今次真係打了自己一巴，最後職員仲俾咗兩張好模糊到期日子嘅Coupon我哋，我驚下次幫襯食咗又話Coupon已經過期，真係有啲驚，最後試吓打電話諗住了解一下，點知兩個電話都係打唔通嘅🤔，見到好多負面食評都係關於薯片，下次想再幫襯都係要諗吓先！