Video
Read full review
2007-12-25
0 views
同老婆過既第三個聖誕，我地依然唔例外著到靚一靚咁去食平安夜大餐。大概一個月前我地已經上網搵左呢間餐廳，仲特登走去間餐廳睇左個平安夜餐牌買埋餐券，個餐有五道菜兼一杯香檳，位位$498+10%，我覺得平安夜度度都咁上下價錢，見到間餐廳環境又咁好，又叫做係IFC，應該會好掂，點知……一入到去，同去左間茶樓無分別，嘈到癲，好在無細路跑來跑去喊打喊殺；檯同檯之間逼到暈，睇得出有好多係加檯；個侍應見我地坐低就是鬼但求鬼其咁放低左一盤麵包，但係原來全晚最掂就係呢盤麵包。食完麵包，果五道菜開始出場，但係全間餐廳既侍應周圍走，亂個鬼，有d早黎既客無得食，遲黎既反而食先，呢個已經係好大既問題，仲要係我地三催四請先上頭盤，你話死唔死；頭兩道菜基本上係一樣，我講唔出佢地既分別，因為我根本唔知自己食緊乜，佢收得人地咁既價錢居然夠膽死將一d炒到乾晒既火腿放係一塊烘到乾晒既麵包上面，再配幾條沙律菜就叫做頭盤，咁我情願食一個Green Salad；另一個係一盤「懶」靚既海鮮頭盤，但係好腥，叫個侍應比pepper，佢係咁二磨左兩下就走左，真係好唔pro。到個湯黎啦，我地一望……嘩！仲衰過我樓下茶餐廳個例湯，又或者自己開
一入到去，同去左間茶樓無分別，嘈到癲，好在無細路跑來跑去喊打喊殺；檯同檯之間逼到暈，睇得出有好多係加檯；個侍應見我地坐低就是鬼但求鬼其咁放低左一盤麵包，但係原來全晚最掂就係呢盤麵包。食完麵包，果五道菜開始出場，但係全間餐廳既侍應周圍走，亂個鬼，有d早黎既客無得食，遲黎既反而食先，呢個已經係好大既問題，仲要係我地三催四請先上頭盤，你話死唔死；頭兩道菜基本上係一樣，我講唔出佢地既分別，因為我根本唔知自己食緊乜，佢收得人地咁既價錢居然夠膽死將一d炒到乾晒既火腿放係一塊烘到乾晒既麵包上面，再配幾條沙律菜就叫做頭盤，咁我情願食一個Green Salad；另一個係一盤「懶」靚既海鮮頭盤，但係好腥，叫個侍應比pepper，佢係咁二磨左兩下就走左，真係好唔pro。到個湯黎啦，我地一望……嘩！仲衰過我樓下茶餐廳個例湯，又或者自己開罐金寶雜菜湯都好飲過佢，個湯我唸應該係雜菜湯加字母粉，但係唔凍唔熱，真係想叫佢拎入去叮一叮先，仲要係味精到爆，真想死！我地為左唔好破壞心情，食到呢一刻都仍然以「開心餐廳」黎形容呢間野，仲叫佢上埋個香檳，好在杯香檳都似番d樣。主菜黎啦，我老婆原本已經order左個火雞，我就食魚，一見個火雞，我地真係火都黎埋，我未見過有人咁樣整火雞架，有乜理由切到件雞一碌碌，同煙肉串埋一齊做串燒架！燒到乾睜睜，但係切開件雞入面居然唔熟，有無攪錯呀！我塊魚都還好，都叫做似舊魚，不過真係好普通既貨色囉！食到一半，我地就叫侍應收野，叫佢上埋個甜品；全晚無乜野落到肚既我地唸住個甜品應該ok d，因為見到隔離檯個甜品好似幾靚，但係原來個廚真係好掂，整到個甜品好似愛斯基摩人既冰屋，但係硬到椗落地都唔爛，仲要成舊野都係糖精，唉！最後我地叫埋杯野飲唸住走人，點知成晚都無餐牌放係檯面呢招係佢地既策略，因為個餐根本就唔包餐飲，結果我地叫左兩杯隔夜檸檬開出黎既冰水，比佢屈多$88，但係我強調個侍應係無同我地講個餐唔包要額外比錢，我真係好鬼慶！我唔想影響其他客人慶祝聖誕咋！比著平時我已經即時反檯！
我覺得一間開係IFC既餐廳唔應該有咁既質素，無論個廚、d食物同埋服務都好差，係佢地做唔慣節日既客人流量定還是係根本d野食唔得呢？我亦唔明白點解呢個網有咁多人認為呢間野好得囉！唔好比陷阱人踩呀大佬！
Post