Video
Read full review
2016-02-26
3407 views
第 1 次與朋友仔出街撐枱腳，仲要係平安夜，真有點受寵若驚呢 ﹗唓，原來都唔係咩特別意思，恰巧得閒出街食餐便飯之麻。每次都係舊舖的呢，但今晚已 book 滿左，被迫要過黎新舖坐，壽司吧勁細，坐得唔多舒服，仲要撞到有個醉酒小弟弟一條友坐我隔黎，成日眼望望想點 ﹗幸好條友不到十分鐘就埋單走人。先叫支清酒濕濕口，就立即開始前菜喇。蟹膏豆腐，其實幫襯左多年既菜色都無咩點變，只係師傅既演釋手法有點不同啫，好與壞就睇您采數喇。蟹膏甘甜味依舊香濃，豆腐滑滑散發著微弱豆香，加上鮮蟹及撒上蟹籽作點綴，口感就更多恣多采啦 ﹗彈彈蟹肉甜美亦不乏肉汁，卜卜脆既蟹籽每爆一下都充滿咸香，好味道。青葵汁墨魚，涼浸浸加上淡青葵味道清新帶點點海水味，墨魚嚥韌十分有咬口，部份仲係脆卜卜既添呢。鮮淮山漬，爽脆帶著淡淡醬油味道，開胃醒腦，作為前菜非常稱職。螢光魷魚，賣相比較遜息喎，還有為何要加橘皮蓉呢？完全唔夾，強烈既甘苦味道蓋過魷魚鮮味，有點畫蛇添足了。醬油漬好的魷魚本身既咸香味已非常突出，咸中帶濃郁鮮甜海鮮味而且肉質又非常爽脆，浪費了。活馬屎海膽，賣剩最後一隻？梗係要啦 ﹗鮮味十足，不腥而帶甜，非常有彈性，飯或紫菜都唔需
蟹膏豆腐，其實幫襯左多年既菜色都無咩點變，只係師傅既演釋手法有點不同啫，好與壞就睇您采數喇。蟹膏甘甜味依舊香濃，豆腐滑滑散發著微弱豆香，加上鮮蟹及撒上蟹籽作點綴，口感就更多恣多采啦 ﹗彈彈蟹肉甜美亦不乏肉汁，卜卜脆既蟹籽每爆一下都充滿咸香，好味道。
青葵汁墨魚，涼浸浸加上淡青葵味道清新帶點點海水味，墨魚嚥韌十分有咬口，部份仲係脆卜卜既添呢。鮮淮山漬，爽脆帶著淡淡醬油味道，開胃醒腦，作為前菜非常稱職。
螢光魷魚，賣相比較遜息喎，還有為何要加橘皮蓉呢？完全唔夾，強烈既甘苦味道蓋過魷魚鮮味，有點畫蛇添足了。醬油漬好的魷魚本身既咸香味已非常突出，咸中帶濃郁鮮甜海鮮味而且肉質又非常爽脆，浪費了。
活馬屎海膽，賣剩最後一隻？梗係要啦 ﹗鮮味十足，不腥而帶甜，非常有彈性，飯或紫菜都唔需要，淨食品嚐原紿鮮味。
活海螺刺生，上年食過一次令我念念不忘。今晚有得供應，食過翻尋味，梗係要執多劑啦 ﹗急急試片先，唔夠冰涼喎，要再鎮耐一點先可以呢。
活海螺刺生，點解又要加橘皮呢，太強烈甘味搶晒角螺鮮甜味，而且切得太厚無左脆卜卜感覺，今次位師傅演釋得未夠好呢。
活赤貝刺生，我最愛的活寶貝呢 ﹗夠巨形可以兩份分。超超超甜啊 ﹗香甜爽彈帶滑，真係要拓住塊面大叫幸福呀 ﹗赤貝天然甜味完全佔據每一味蕾，餘韻久久不散，牢牢鎖住您的味覺。
日本生蠔，無名的日本蠔，我都食過多次了，朋友仔未食過，叫兩隻啦。蠔味濃厚而清甜不霸道，飽滿肥美，加上日本醬油萬能蔥蘿蔔蓉清新好味道。
和牛刺生，太冰喇 ﹗咬落直頭牙關打震，從來未試過，要攤攤融點雪先可以食得到甜味呢，師傅們是否太 holiday mood 啊？今晚多翻失準。飲陣酒、傾下計，好快就過左五六分鐘喇，我地再次起動。雪花脂肪紋分佈平均，密集而幼細，和牛高質既印記。融雪後質感幼滑軟棉，索上果醋將牛甜味推到頂峰，清香味道無械可擊。
極上吞拿魚腩壽司、鯛魚腩壽司、油甘魚魚腩壽司，經過一輪猛烈而密集既進攻後，終於黎到中段喇！前菜、刺生，依家到壽司，跟住仲有鐵板燒及湯出場。我一向主要食刺生，每次只會試一兩件壽司架乍，食飯易飽肚咪食唔到更多野囉。專登 order 最最最肥美、最最最多油脂既魚腩做壽司，因為魚油會浸入飯粒之中，更滑更香，又可減輕膩滯感覺。
極上吞拿魚腩壽司、鯛魚腩壽司、油甘魚魚腩壽司，由最瘦既油甘魚腩食起，第 2 鯛魚腩，最後超肥美極上吞拿魚腩 ﹗全部都魚脂滿瀉，油香四溢，甜到頂峰 ﹗從未過鯛魚腩可以這麼棉滑架，跟吞拿魚腩一樣入口即溶，彷如甘露滋潤乾涸大地。油甘魚魚腩結實，鮮魚味係三款之中最濃郁！飽滿乾爽既飯粒泛著輕輕甜醋味道，跟魚生結合得天衣無縫，無可抵擋既引誘，好味至極，非食不可。
炒伊勢海老，熱辣辣見到已經流晒口水，索一索香味，牛油蒜香直擊腦袋 ﹗立即啪件龍蝦球落口，我臉色即刻一沉，唔係咁架麻。被魚生師傅發現了，無緊要呀，如果煮得唔好可以換過架。既然師傅咁講，我就表態啦。炒得過熟 overcook 呢，有點乾硬啊。師傅立即叫 waitress 妹妹吩咐鐵板師傅再炒過隻龍蝦比我，麻煩晒。服務態度滿意，讚。
炒伊勢海老，新龍蝦到喇 ﹗終於達標超執鏟，伊勢海老球爽甜到歡呼！最初朋友仔食之前既失敗作都唔覺得有任何問題，但依家食完就即時覺醒喇，原來龍蝦球可以炒得如此美味，新鮮既味道、龍蝦既味道、海水既味道撞得出神入化，剛剛熟既爆汁爽彈龍蝦肉，熱辣辣加上蒜蓉及龍蝦膏非常惹味濃郁，食極都唔夠 ﹗正正正 ﹗
伊勢海老麵豉湯，每次叫鐵板龍蝦都係兩食，龍蝦頭會去滾湯，可助清清味蕾。微弱龍蝦味道係麵豉湯中緩緩滲出，清香夾雜少許蝦膏味道，而且仍有少許龍蝦肉黏付係殼上，可供細味。
高興滿意的一餐，雖然演繹有點出乎意料，不過都合格既 ﹗平安夜攞您命 $3000 埋單，第 1 次約會抵啦，立即走下場 all night long 飲返杯先。
清酒
18 views
0 likes
0 comments
蟹膏豆腐
28 views
0 likes
0 comments
青葵汁墨魚、鮮淮山漬
19 views
0 likes
0 comments
螢光魷魚
41 views
0 likes
0 comments
活馬屎海膽
50 views
0 likes
0 comments
活海螺刺生
24 views
0 likes
0 comments
活海螺刺生
25 views
0 likes
0 comments
活赤貝刺生
25 views
0 likes
0 comments
日本生蠔
31 views
0 likes
0 comments
和牛刺生
44 views
0 likes
0 comments
極上吞拿魚腩壽司、鯛魚腩壽司、油甘魚魚腩壽司
26 views
1 likes
0 comments
極上吞拿魚腩壽司、鯛魚腩壽司、油甘魚魚腩壽司
32 views
0 likes
0 comments
炒伊勢海老
20 views
0 likes
0 comments
炒伊勢海老
18 views
0 likes
0 comments
伊勢海老麵豉湯
20 views
0 likes
0 comments
伊勢海老麵豉湯
28 views
0 likes
0 comments
Post
