天仁茗茶 (Closed)

同朋友夜晚去新世紀廣場行街，見行行下有啲頸渴兼凍凍地，所以去左附近旺角東火車站買野飲。黎到天仁茗茶，緊係要飲佢嘅皇牌913奶茶啦，我今次就嗌左熱嘅5分糖，因為呢幾日食多左，半糖就冇咁大罪惡感。嗰時都有6,7個客等緊，但店員好似冇因為而加快手腳，所以都等左一陣子。終於攞到手!第一時間唔係飲，而係暖手xd可能我平時飲開七分糖，所以覺得半糖有啲淡，而茶味亦冇因為咁濃左，所以有少少失望。朋友就嗌左珍珠奶茶，珍珠唔會過甜，但就有少少"章"口。