天仁茗茶 (Closed)

旺角東站天仁茗茶一般嚟講都少人龍過金魚街嗰間，又可以留係冷氣地方等，所以間唔中都嚟買。比起其他手搖店呢，天仁茶味茶香真係明顯濃好多，唔同層次，都未行到舖面老遠已經聞到超強烈濃茶香氣。📍珍珠鮮奶綠($25)半糖少冰/香滑啊~perfect match！沖完出嚟有啲泡係面頭奶有奶味~綠茶有綠茶味~夠哂啦！認真用鮮奶係同一般其他用奶粉沖嘅不一樣珍珠必須㗎啦，軟糯又有咬口，好飲到想都唔記得影就一口氣飲哂，天氣太熱啦

下午4點幾，無人排隊，所以落完單好快就拎得野飲因為疫情嚴重，所以我唔會一路行一路飲！都係買到返屋企先飲！個杯好靚，但我唔鐘意個蓋！因為我唔係即飲，所以如果用密封果款蓋會比較方便我，無甘怕會倒瀉返到屋企d冰已經溶曬，但都好好飲，甜度岩岩好，珍珠勁好咬口，而且有好多珍珠，好鐘意

這天自己閑逛，路過天仁茗茶突然懷念913的茶香，加上見到當時排隊的人數不多，所以決定買一杯。那時候大概晚上6點鍾。本來想買913奶茶，見到有913冬瓜茶便決定一試。我叫了少冰，7分糖，本來想喝半糖的，不過我怕純冬瓜茶很單調不夠甜所以叫7分糖，平時如果有其他配料，比如珍珠或者布丁，仙草，我都會叫半糖。喝了一口覺得很清涼，加上正值炎夏，冬瓜茶特別解暑。 甜度選對了，覺得剛剛好，喝到最後也不會太膩。 總的來說，夏天喝這個挺好的

幾乎每一日都會有新嘅茶飲店開張，但我銀包就得一個，同埋聽講一杯珍珠奶茶已經係一碗飯嘅卡路里，真係唔係好敢下下都試新野㗎。今次有同事買咗呢杯913鮮奶茶，佢知道我怕甜，已經幫我叫咗微糖，913鮮奶茶同913奶茶嘅分別，就在於一個用鮮奶，一個唔係，咁溫度方面，好似係有一隻只能夠叫常溫冇得叫熱。咁其實913係咩呢， 913係一隻茶葉嘅名，都幾型呀，佢呢個名好似一個編號咁，但佢又真係幾好飲喎入口淡淡地唔會好強烈，連我朋友平時飲唔慣濃茶嘅，都接受到。

學校在旺角東附近，上課前來和同學一起來買了913的珍珠奶茶。本來以為下午14:00這些時間不用排隊，結果我們付錢後還要等15分鐘才能取珍奶～15分鐘都算ok 的！店員態度友善，落單前朋友問她913系列和其他有什麼不同。她很詳細告訴我們。值得一讚👍🏻👍🏻913 系列的奶茶比普通奶茶的茶味重一點（適合喜歡喝茶的人～）我們叫了半糖，少冰，這差不多了（女生不要喝太甜，其實男生都一樣haha)拿了珍珠奶茶後，我們便一邊品嚐一邊走路上學校，好享受喔好好飲

在冬至闔家團圓的日子總是覺得辛苦工作的餐飲業很偉大，雇主應該給予當天返工的員工超高獎金才對😂😂今晚吃完飯返家，實在不像12月該有的溫度，熱到不行買杯冰沙涼快一下。晚上九點多沒什麼客人，四名店員依然親切面帶笑容的招呼客人而不會懷抱怨念的工作實在令人佩服。抹茶冰沙味道很濃，冰塊打得很碎不會喝到底喝到一堆冰塊（我在沙田站樓上的天仁茗茶酒喝過1/3杯碎冰），奶味也很剛好不會喝到最後只剩融冰。服務和味道都很不錯👍🏻👍🏻👍🏻

閒日放工六七點，行過好多人等緊茶，但當下冇人排隊買，即刻埋去order，企左喺佢前面五秒，哩位短髮眼鏡女店員繼續望住電話，開聲叫嘢先發覺有客到，落order，蜂蜜綠茶少糖走冰，等咗十分鐘左右終於有茶拎，當時買嘢條隊已經成十個人，但人手唔夠收銀都去咗沖茶，一拎杯茶原味冇少糖冇走冰，懷疑咗一下，睇番單號冇錯，就係我嘅。好簡單嘅八個中文字order，任何鋪頭都會有嘅冰糖選擇，講埋都冇聽到，算我唔啱冇check單。杯茶係十八區天芢茗茶飲過最差，同道X蜂蜜綠茶完全冇分別，分別係貴6倍，同之前飲過X芳水果茶一樣咁差。唔會再幫襯。

天仁坐落香港已經好多年，仍然每日都排到成行成市，人頭湧湧。每次想飲一杯都要等十至三十分鐘，非常考驗耐性。「香芋鮮奶綠」今日叫左我的最愛香芋鮮奶綠，三分糖少冰多香芋。可惜最後我的多香芋變哂香芋碎，店家把奶茶攪得太耐，無法食到一口一口的小香芋，十分可惜！

咁樣講 好似好衰，不過我都成日經過旺角既時候會幫襯呢間天仁茗茶，我覺得同其他分店比，呢一間服務真係差d ，諗住黎寫食評分享一下先發現原來都有不少人都我一樣諗法，証明服務真係有改善空間。我平時都會去幫襯嘅分店，比如大埔同埋鑽石山其實客流量都好多，但係人地整體服務態度同埋整飲品嘅速度都令人接受到。不過，又不致於差評，全因為，天仁茗茶真係好味，所以結論係我都仲會繼續幫襯，但係如果公司有留意的話呢，可以睇下點改善一下。

同朋友夜晚去新世紀廣場行街，見行行下有啲頸渴兼凍凍地，所以去左附近旺角東火車站買野飲。黎到天仁茗茶，緊係要飲佢嘅皇牌913奶茶啦，我今次就嗌左熱嘅5分糖，因為呢幾日食多左，半糖就冇咁大罪惡感。嗰時都有6,7個客等緊，但店員好似冇因為而加快手腳，所以都等左一陣子。終於攞到手!第一時間唔係飲，而係暖手xd可能我平時飲開七分糖，所以覺得半糖有啲淡，而茶味亦冇因為咁濃左，所以有少少失望。朋友就嗌左珍珠奶茶，珍珠唔會過甜，但就有少少"章"口。

叫左兩杯野飲，等左半個鐘都未齊。環境又細，又多人，服務員又唔識叫號碼，要班客圍住張枱自己睇號碼。問佢嘅時候話多人可能漏左，但又唔會問漏咩，即係唔完全唔理你咁話啦，反正都俾左錢，等唔等係我嘅事啦？!

特上鮮綠冰茶🍵平時都淨係飲開天仁珍珠奶茶同奶綠好鐘意佢既茶底同埋好甜又唔假既珍珠一直都唔敢試冇珍珠同茶底既其他飲品今次出左我最愛既愛玉😻出左冇耐就即刻去試試佢😛首先講下個鮮綠冰茶買完第一眼望 好深綠色 係健康既感覺呀哈利😂一飲就飲到好濃既 綠茶粉末?天仁寫話係靜岡綠茶研磨既綠茶粉有啲似平時街飲雲抺綠茶果種口感 不過就再濃多啲 個口會感覺到啲綠茶粉飲左一啖 即刻照照鏡 睇下啲牙個嘴有冇綠邊😂 好彩冇姐😚重點！我最期待既係愛玉愛玉既份量ok 不多不少我就食到有好淡既檸檬味👌🏼口感似啫哩整體黎講 個人覺得愛玉ok 鮮綠冰茶不太吸引我 鐘意濃綠茶粉既朋友可以一試🤘🏼

夏天周不時會想搵個地方買杯野飲解下渴。今次係呢間台式飲品店嗌左杯珍珠奶綠，好好飲！呢杯珍珠奶綠都幾大杯，我覺得幾大飲。珍珠奶綠綠茶味好香好出，唔會太甜，如果顧客亦都可以跟據自己嘅喜好黎嗌少甜或者再甜啲。飲品嘅冰量都一樣，顧客可以依據自己喜好選擇多冰或小冰。珍珠好煙韌，好有口感。大細啱啱好，珍珠配奶綠非常夾。另外，呢度嘅飲品價錢適中同其他台式飲品店嘅飲品價錢差唔多，唔會太貴。呢間分店位於地鐵站，所以人流會比較多。點完飲品之後，都要等反一陣先有得拎。

炎炎夏日，must eat item入面一定有雪糕而係台灣開到過黎香港既天仁，更加開到便利店咁，梗有一間係附近。佢除左珍珠奶茶出名之外，鐵觀音雪糕都可以話係「鎮店之寶」今日我返工之前經過太子花園街呢間分鋪見冇人龍，即刻拿拿臨去買個雪糕降降溫先Menu其實天仁之所以受歡迎，係因為佢堅持用最優質既茶葉，去獨創佢既茶飲，茶品，令到我地可以品嚐到茶既奧妙。就好似平時去飲茶先會叫鐵觀音，估唔到佢係可以融入雪糕度。鐵觀音味雪糕 $23呢個雪糕味都幾特別，同埋好少有，食落比較清淡，但係又會有dd苦澀味，同飲茶個時一樣有d回甘，唔會太甜太漏。雪糕入面有d冰粒，唔係太軟滑，仲好快溶tim，但係冰涼感好高，宜家呢d天氣食就好arm

我諗佢叫號碼係叫比自己聽。母親節當日黃昏時間，打算買杯茶解一解渴。幸好見到天仁，又聽聞佢嘅茶不錯，心血來潮就去試。起初前面幾個客人嘅號碼我企到遠一遠都聽到，我心知下個號碼就到我，專登行到櫃面前等。 誰知一名短髮女店員顧住跟同事寒暄，放低杯飲品喺枱面就算。我見到杯上貼住手上張單嘅號碼，就問店員：請問呢杯係咪ok架喇？ 佢好細聲咁講左幾隻字(仲細聲過佢同佢同事傾偈)，sorry我真係聽唔到佢講乜，固再問左兩次，兩次佢態度依舊。 真係火都黎！茶係好飲嘅，但態度真係令人不敢恭維。