Video
Read full review
2021-06-17
399 views
現實嘅反義係咩？或者係樂園啦，除咗星期五或者放假先開大餐慶祝，其實無論星期一至四，平日也可歡呼放完工去馬戲團主題嘅餐廳，獎勵自己戰勝殘酷世界又一日呢度嘅環境係靚到令人好放鬆，見到樂園element嘅裝修，讓人沉醉一下童年嘅快樂時光加上玩味十足嘅口水肩，仲唔立即變返細路？懷緬都需要時energy嘅，就嗌咗份牛扒食吓，點食大胃睇menu時忽略咗「16安士」呢個字眼，上到檯勁大份，好似細個收到禮物咁驚喜。慢煮足足24小時嘅牛扒，粉紅嫩滑嘅肉感，加上切到大大舊，一舊可以咬4-5口，好開心好滿足呀！仲有脆卜卜薯條同雜錦蔬菜絲伴碟，成件事係完美嘅四川麻辣手撕雞做餡料嘅Taco，感覺亦好似入咗馬戲團咁奇趣，外皮唔會太脆口，就係用嚟承托住豐富嘅餡醬手撕雞麻麻的又不失嫩幼感，四川風味混合咗牛油果醬同忌廉，兩個地方嘅特色味道合體成功，再次顯示世界可以大同芒果熱情果沙冰IGable值爆燈，配合餐廳別出心裁嘅環境打個卡，滿足到電話又滿足到自己。沙冰質感幼細，飲落唔會沙沙聲，係幾舒服嘅飲品大胃第一次飲有果味嘅Tonic，咖啡夠澀夠味，倒入梳打水再飲，濃濃咖啡味當中飲到幾香嘅西柚味，暫時封佢係最好飲嘅Tonic先
放完工去馬戲團主題嘅餐廳，獎勵自己戰勝殘酷世界又一日
呢度嘅環境係靚到令人好放鬆，見到樂園element嘅裝修，讓人沉醉一下童年嘅快樂時光
加上玩味十足嘅口水肩，仲唔立即變返細路？
Dirty牛扒
$380
15 views
0 likes
0 comments
懷緬都需要時energy嘅，就嗌咗份牛扒食吓，點食大胃睇menu時忽略咗「16安士」呢個字眼，上到檯勁大份，好似細個收到禮物咁驚喜。慢煮足足24小時嘅牛扒，粉紅嫩滑嘅肉感，加上切到大大舊，一舊可以咬4-5口，好開心好滿足呀！仲有脆卜卜薯條同雜錦蔬菜絲伴碟，成件事係完美嘅
墨西哥脆餅配四川麻辣手撕雞
$98
15 views
1 likes
0 comments
四川麻辣手撕雞做餡料嘅Taco，感覺亦好似入咗馬戲團咁奇趣，外皮唔會太脆口，就係用嚟承托住豐富嘅餡醬
手撕雞麻麻的又不失嫩幼感，四川風味混合咗牛油果醬同忌廉，兩個地方嘅特色味道合體成功，再次顯示世界可以大同
Fresh Mango Passionfruit Smoothie
$58
32 views
0 likes
0 comments
芒果熱情果沙冰IGable值爆燈，配合餐廳別出心裁嘅環境打個卡，滿足到電話又滿足到自己。沙冰質感幼細，飲落唔會沙沙聲，係幾舒服嘅飲品
Tonic Coffee
$58
15 views
0 likes
0 comments
大胃第一次飲有果味嘅Tonic，咖啡夠澀夠味，倒入梳打水再飲，濃濃咖啡味當中飲到幾香嘅西柚味，暫時封佢係最好飲嘅Tonic先
呢度嘅staff畀人感覺都好正面同歡樂，繃緊嘅打工仔真係要嚟一嚟呢度唞返餐
Post
