大壹燒鵝 (MOSTown Street新港城中心大街(3期))

Open Now

Now Closed

馬鞍山係一個美食沙漠，冇咩特別好食或者特別嘅嘢食，大壹嘅嘢食係馬鞍山入邊高於水平，最出名嘅就當然係佢嘅燒鵝。燒鵝拼油雞瀨粉燒鵝每次食都覺得好好食，首先個皮充滿咗油脂，加埋鵝肉食好正，再配埋梅子醬，酸甜味道令油膩感減低。但係如果你雙拼飯咁樣叫，會少啲機會有燒鵝髀，如果想食燒鵝髀就要加錢，而燒鵝髀肉質係更滑。咖喱薯仔豬扒飯咖喱飯係我每次嚟都會食，第一次食嘅時候佢嘅薯仔係會炸到脆皮，食落非常香口，但係近呢一兩次食都冇炸，有啲失望，但係佢嘅咖喱汁同樣係咁好食，亦都會有好多唔同嘅蔬菜配料，例如青椒，紅椒洋蔥，而豬扒都非常好食，肉質唔會好鞋。