Video
Read full review
2018-02-25
182 views
好少有機會平日放假,約左好姐妹去觀塘上DIY class。要整幾粒鐘,梗係飽左個肚先去。係openice比佢嘅三眼仔同龍貓飲品吸引住,就即刻book位。去到嘅時候現場都半滿,啲枱都擺得幾鬆動唔會被迫聽隔離枱嘅對話,餐桌上有玻璃樽水可以自己fill。嗌左set lunch,餐湯當日係粟米湯,唔太特別,包應該都係交貨黎。飲品揀左一杯龍貓薄荷朱古力同三眼仔Matcha Latte...算係跟餐加錢轉嘅特飲。見到其他食客個Burger好靚就揀左再搭一客豬扒意粉(無記錯可以揀配飯)。唔計餐湯飲品最先到,梗係相機飲先。實物都幾可愛,不過好細杯。睇相覺得係大咖啡杯但直徑同餐包size差不多。朋友嘅薄荷朱古力飲落薄荷味都幾香,唔太甜比想像中好。而Matcha Latte好重茶粉飲到底仲好綠色,朋友話味澀不過我自己就覺得ok...因為我鐘意飲濃茶。兩杯飲料都唔算"得個樣",但如果諗住淨嗌杯野慢慢飲黎傾計就可能要再order啦!之後到意粉,薄身豬扒兩大塊。一塊淋身啲可能位置不同,不過朋友鐘意食另一塊多啲。汁多,意粉亦已調味so far so good.仲有有啲伴碟沙律菜。Burger配有大大碟粗薯片,一上
嗌左set lunch,餐湯當日係粟米湯,唔太特別,包應該都係交貨黎。飲品揀左一杯龍貓薄荷朱古力同三眼仔Matcha Latte...算係跟餐加錢轉嘅特飲。見到其他食客個Burger好靚就揀左再搭一客豬扒意粉(無記錯可以揀配飯)。
唔計餐湯飲品最先到,梗係相機飲先。實物都幾可愛,不過好細杯。睇相覺得係大咖啡杯但直徑同餐包size差不多。朋友嘅薄荷朱古力飲落薄荷味都幾香,唔太甜比想像中好。而Matcha Latte好重茶粉飲到底仲好綠色,朋友話味澀不過我自己就覺得ok...因為我鐘意飲濃茶。兩杯飲料都唔算"得個樣",但如果諗住淨嗌杯野慢慢飲黎傾計就可能要再order啦!
之後到意粉,薄身豬扒兩大塊。一塊淋身啲可能位置不同,不過朋友鐘意食另一塊多啲。汁多,意粉亦已調味so far so good.仲有有啲伴碟沙律菜。
Burger配有大大碟粗薯片,一上枱即刻試食熱辣辣新鮮炸起好好味,仲有細兜茄汁跟埋唔洗問店員拎好貼心。Burger外表精美,包面金黃色澤仲有啲芝麻粒,成功切開同朋友一人一半,塊漢堡扒好厚夾埋其他配料,大滿足嘅感覺。不過美中不足嘅係唔知點解佢碟上面嘅配菜竟然係韓式泡菜,我個人覺得不倫不類,佢放番甘筍仔西蘭花嗰啲會正常好多。
因為唔趕時間所以我地慢慢食,以平日lunch時間黎講e到唔算好滿。同埋好似早走teatime遲入場又有啲優惠,價錢同朋友聚餐黎講好ok,但如果我係e區番工就可能唔會日日食咁好啦但久唔久同同事開心share食個靚飯可以考慮!
5 views
0 likes
0 comments
5 views
0 likes
0 comments
Post
