火鍋撚 (日富里百好大廈) (Closed)

火鍋撚呢間野不嬲都知多人去，之前去過一次walkin嘅，都等一陣。所以特登今次約朋友平日黎，卜定位，順利入閘🤣坐左冇耐個場已經full晒，估唔到平日夜晚都咁多人呀！！西環呢間卡位為主，我地兩個人都有成個卡位，好闊落，值得一讚～少可香港食野可以咁有空間感。坐底第一件事梗係點湯底先啦，叫左個素之滋潤湯鍋～好足料，有紅棗、粟米、紅青蘿蔔，十足十平時屋企煲嘅湯，清甜到忍唔住淥野之前飲番碗先邊爐必叫—手切肥牛！上次食過安格斯牛肉，覺得呢個完全係另一樣野，雪花嘅比例適中，厚薄都恰到好處，淥幾秒就食得喇！肉類方面仲叫左極品黑豚肉，極重豬味！唔好睇佢好似多脂肪咁，其實豬香味好濃郁👍🏻除左牛肉豬肉，仲叫左個四寶餃餃拼盆，有魚皮餃有蝦肉餃等等，食落都幾新鮮～另外我地仲叫左個黃金炸雞皮做小食，落足勁多咸蛋黃，勁邪惡今次依舊有糖水送，食過都係腐竹糖水沙冰，夏天食好清涼，正！