Video
Read full review
2024-09-06
178 views
今日老公話帶我去荃灣小店食串燒，坐低發現牆上貼左日本舊海報，而牆上架就放左日本清酒樽，都幾有日式居酒屋風格。呢度用QR code點餐，基本上咩種類都有，有串燒豬牛羊雞類、海鮮類、菇類同菜類等，另外仲有飯類同烏冬。而佢哋價錢亦好合理，又感受到佢哋用心煮，荃灣人又多一個選擇。前菜：免費贈送，有牛柳粒同青瓜，牛柳粒好腍，青瓜清新爽口，配埋日本麻醬，味道好夾，幾好。清酒煮蜆：蜆大隻鮮甜，清酒味好濃，最後連湯都飲晒。炸七味雞軟骨配沙律醬：雞軟骨好有咬口，好香七味粉，唔辣但惹味，點埋沙律醬仲好食。燒雞軟骨：雞軟骨唔會燒得太乾身，調味剛好，有咬口。鹽燒牛舌 & 鹽燒牛小排：牛舌厚切，牛小排就切成粒狀，牛小排燒到有肉汁，兩款食落一D都唔韌，牛味濃，有口感，幾好食。蒜蓉燒生蠔：king size，有手板咁大隻，生蠔肥美，燒完都仲係脹卜卜，非常新鮮，入口鮮嫩，好香蒜蓉味，好好食。蒜蓉燒扇貝：size大，新鮮，唔腥亦唔太鹹，幾有鮮味，配蒜蓉食就最夾。日式炒雜菜：除左椰菜，底層仲有雜菇同芽菜，炒得夠鑊氣，爽口，OK喎。紫蘇秋刀魚：以為原條燒，原來係用紫菜包住秋刀魚燒。秋刀魚多肉，紫菜包全住燒比較多汁，咁樣整又
呢度用QR code點餐，基本上咩種類都有，有串燒豬牛羊雞類、海鮮類、菇類同菜類等，另外仲有飯類同烏冬。而佢哋價錢亦好合理，又感受到佢哋用心煮，荃灣人又多一個選擇。
前菜：免費贈送，有牛柳粒同青瓜，牛柳粒好腍，青瓜清新爽口，配埋日本麻醬，味道好夾，幾好。
清酒煮蜆：蜆大隻鮮甜，清酒味好濃，最後連湯都飲晒。
炸七味雞軟骨配沙律醬：雞軟骨好有咬口，好香七味粉，唔辣但惹味，點埋沙律醬仲好食。
燒雞軟骨：雞軟骨唔會燒得太乾身，調味剛好，有咬口。鹽燒牛舌 & 鹽燒牛小排：牛舌厚切，牛小排就切成粒狀，牛小排燒到有肉汁，兩款食落一D都唔韌，牛味濃，有口感，幾好食。
蒜蓉燒生蠔：king size，有手板咁大隻，生蠔肥美，燒完都仲係脹卜卜，非常新鮮，入口鮮嫩，好香蒜蓉味，好好食。
蒜蓉燒扇貝：size大，新鮮，唔腥亦唔太鹹，幾有鮮味，配蒜蓉食就最夾。
日式炒雜菜：除左椰菜，底層仲有雜菇同芽菜，炒得夠鑊氣，爽口，OK喎。
紫蘇秋刀魚：以為原條燒，原來係用紫菜包住秋刀魚燒。秋刀魚多肉，紫菜包全住燒比較多汁，咁樣整又幾好食。燒櫻花蝦飯團：外層燒到夠焦香，連櫻花蝦味都燒到好脆，整個飯團係比較脆口，夠味，好好食。
明太子燒飯團：外層燒到好香醬油味，呢款飯團內裡比較軟身，見到粒粒明太子，另有一番風味。
小貝柱黑松露雜菌烏冬：啖啖黑松露味道，好creamy，食到底好多菇，仲有洋蔥，爽口，甜甜地。烏冬用左日本烏冬，比較滑身，唔會好黏口，整體好好味。
飲品：食串燒最啱飲啤酒，老公就叫左黑啤，我就叫左大話七，即係七喜 + 話梅，兩款同樣清熱氣。
Post
