麵屋黑岩

Open Now

Now Closed

上次食完米芝連級拉麵，即刻上咗癮 ！好想再食拉麵，飲湯底！但米芝連呢啲級數點可以成日食呢！我緊係要搵番啲價錢平民化少少嘅舖頭，咁咪可以俾我成日食到！講到平民級，我就緊係喺openrice度搵深水埗區，估唔到有間真係專食拉麵嘅小店 - 麵屋黑岩！ 今日同朋友叫咗兩碗拉麵，一個小食，朋友就另外加咗一個配料 : 替玉！ 拉麵方面共有四款：原味，辛辣，黑蒜，同埋櫻花蝦！自己不嬲都鐘意食黑蒜味，當然一嚟度已經好快揀好咗！朋友就喺店員推介下點咗櫻花蝦味做湯底，店員話只有呢款用咗雞湯同豬骨淆製而成，其他三個都係只用豬骨煲！至於叉燒配料，佢有兩款叉燒可以選擇，一款係厚切叉燒，另一款係火炙叉燒！我同朋友當然一人叫一款，咁就可以試齊兩種口感！由於拉麵本身只包叉燒，所以我額外點多咗個流心蛋！小食就叫咗薯片雞翼！ 首先講下櫻花蝦湯底味道清甜，有好多櫻花蝦乾做配料，就咁食蝦乾，少少脆得嚟又有好似蝦乾本身嘅e un嘅口感，配埋清甜嘅湯底，鮮味好出！至於我自己order嗰碗，黑蒜味好香濃，我叫嘅火炙叉燒比厚切叉燒較淋身，而且有少少燒烤嘅味道！額外加嘅流心蛋，呢個真心推薦，好甜，而且做到全流心狀態，好好味！到最