生記飯店 (Moved) New Location

一直聽講生記係老一輩嘅名人飯堂，今次終於嚟到食。唔識過都唔會明白點解啲名人會鍾意食呢間餐廳。佢係做一啲好普通嘅家常菜食但係就做得非常用心。滑蛋蝦仁你以為佢好普通，同埋你以為所有人都整得差唔多味。其實真係要炒到個蛋夠滑，蝦又唔會太過老係好難㗎。新記嘅滑蛋蝦仁炒得剛剛好啲蛋好似近乎生蛋質感咁但其實炒到熟晒，隻蝦又大又炒得夠嫩。相比起蓮藕餅就有啲普通。金銀蛋炒莧菜。枸杞豬潤係戲肉！豬潤又肥煮得又滑嫩！豬潤要咁厚身，但係煮完之後又唔會太老又要煮夠熟，真係好難掌握！廚師手勢即刻顯到真章。超厚身。蜜汁叉燒真係唔野少，肥瘦適中入口香軟。