泰筏味泰國船河專門店 (Closed)

今日係大角咀收工，見到有間泰國餐廳幾得意，深深比個價錢吸引住。正宗泰國船面，啲湯底非常之特別，用豬骨豬血同泰國香料餚出嚟嘅湯底，深啡色但係好通透，非常之香，呢個係豬雜船河 有咸豬肉，豬大小腸、豬耳，晚市 $15咋。呢度嘅嘢食全部都細細份咁，價錢都相對咁平D，就算只兩個人去食，都可以食到好多款式。冬陰公海鮮泰粉，好香濃嘅蕃茄味，值得一試。泰北牛肉生菜包 用泰國香料整嘅炒牛肉 非常之嘢味 我覺得仲好食過豬肉生菜包 芫莤丶乾蔥頭丶牛肉丶蒜片 、蔥 全部得配合得好好。呢度啲串燒真係整得好好味，有少少甜，好鬆軟入味。無骨海南雞飯，嚟都一定要試，唔使＄250就食到咁多野。