雅士餐廳

Open Now

Now Closed

男友話，成日聽我講「粉嶺無人不知嘅雅士餐廳」聽左5年啦，但一次都未去過🤣。最近見到有youtuber介紹粉嶺餐廳，勾起佢對雅士嘅興趣，所以的起心肝，星期六一定要試下佢。下午1點左右嚟到餐廳，雖然唔駛等位可以直入，而令我誤以為唔多人，但原來入面已經坐滿，只係我地咁啱遇到剛離座嘅客人。除左有午市餐牌、各類意粉、飯類外，其實仲可以自選海鮮拼扒，非常彈性。點餐後職員送上餐包及餐湯---周打魚湯、羅宋湯魚湯比想像中好，有魚粒係入面、唔腥、又唔會好重麵粉味；羅宋湯就正常發揮。餐包暖笠笠，個人中意沾湯食多過搽牛油。西冷 $92比牛柳厚身D，不過肉質實D、同埋有筋。伴菜嘅薯條係新鮮炸出嚟，好熱，但唔脆。牛柳 $94牛柳有兩薄片，比西冷更有肉味。雅士曾經係新界區最高級嘅西餐廳，已經開業4X年，外觀望落簡潔，但原來店內幾有情調，懷舊扒房感覺🙊。當日我地坐卡位，座位闊落，頭頂上面有假藤蔓，整體地方算乾淨，對於第一次嚟雅士嘅男友表示印象良好。至於食物方面，兩款扒都有用鬆肉粉”拿”過，亦唔太有牛味，可以想像為港式牛扒，但如果食埋個環境，加埋職員工作態度良好，拉上補下，整體感覺唔錯。