添喜冰室 (Closed)

今日同朋友一齊去開旺角諗住食番個下午茶 ， 見到呢間添喜冰室好似幾ok，就入咗去試下，一入去環境都幾企理. 我地就試吓啦.日式鰻魚炒飯: 其實呢個鰻魚炒飯都幾有驚喜，因為佢落嘅鰻魚比例都算好多，同埋個鰻魚汁同個炒飯，好match 。總括嚟講 ，唔好以為茶餐廳炒日式飯唔夠日本味，反而夠鑊氣，有另一番滋味。我哋仲加咗$12叫咗個薯條添炒貴刁: 呢個炒貴刁其實建議食得辣嘅朋友去叫，其實佢呢個貴刁唔係落咗太多油去炒，都幾考廚師嘅功夫，overall嚟講呢個炒貴刁比其他茶餐廳水準較高同味道很好。朱古力雪糕咖啡: 飲到好有層次感，朱古力雪糕咖啡加上香滑的冰凍咖啡。因為之前食咗個炒貴刁 ，飲埋呢個甜甜地嘅咖啡 ，中和番， 所以呢個咖啡我覺得好好飲。雪糕紅豆冰： 呢個雪糕紅豆冰係我朋友嗌，我試咗少少， 佢擺咗都幾多紅豆，適合一啲鍾意食紅豆嘅人士叫，整體嚟講呢杯嘢保持高質素茶餐廳嘅水準。食到差唔多見到隔離枱個鰻魚滑蛋飯都好似唔錯，下次經過再試下先。如果有朋友經過旺角，不妨可以試吓呢間平靚正嘅餐廳。