薩莉亞意式餐廳 (麗港城商場)

Open Now

Now Closed

呢間餐廳，都食過佢唔少分店，真係平靚正，用一個較低的價錢可以食多較多款式的美食，真係性價比高。呢間分店係麗港城，相對比較多空位，等左一陣就有位。叫左中華海草、肉醬多利亞、香草牛油焗田螺、原味雞翼、蒜汁燒魷魚。中華海草開胃小菜一碟，幾新鮮。肉醬多利亞，料足，肉醬唔少，味道恰可。原味雞翼，價錢可以，肉鮮嫩、甜，個皮整得幾香脆，鐘意雞翼人仕可以叫多幾隻食添。香草牛油焗田螺都幾香牛油味，但量少左一點。蒜汁燒魷魚，幾嫩，唔會「鞋」，熱辣辣，幾正。食物好味，份量充足，食完真係好滿足。服務細心，態度良好，超值之選!