薩莉亞意式餐廳 (麗港城商場)

Open Now

Now Closed

在商場裡，薩利亞永遠是那個可靠的選擇。二十元四隻的原味雞翼，大概是這家店最親民的入門券。雞翼尺寸不大，但勝在外皮金黃酥脆，咬開時還能聽見輕微的喀嚓聲。醃製入味，連最後一口都保持著鹹香。這價格，在寸金尺土的商場裡，算是良心。三十五元的西蘭花蝦意粉，份量不算豐盛，但也夠一個人吃飽。西蘭花保持著青翠欲滴的模樣，火候掌握得宜，既不會太生，也不會煮至軟爛。幾隻中型蝦仁點綴其間，雖然稱不上鮮甜，但也算是盡責地完成了畫龍點睛的任務。意粉的軟硬度適中，可惜醬汁略嫌單調，少了點層次感。在這個連鎖餐廳裡，一切都像是被精準計算過：從食材的克數到醬料的比例，標準化的流程確保了每一份餐點都維持在「不會太差」的水準。這或許就是平價連鎖店的魅力 - 它不追求驚艷，只求穩定；不講究精緻，但求實在。五十五元的組合，填飽了肚子，也填補了一個普通工作日的午餐時光。在商場林立的城市裡，這樣的飯食，是都市人日常生活中最真實的寫照。

喺觀塘訂咗嘢要過嚟攞順便約埋住附近嘅舊同事食個late lunch/ tea見到佢轉咗新嘅lunch Menu可以比到多啲選擇同新鮮感俾街坊&食客👍👍相信黎開薩莉亞食嘢嘅人都唔會對多利亞感到陌生 甚至係近乎必點嘅名物之一而今次既lunch set可以揀🐣雞肉多利亞Chicken Doria $30 😍好香濃～白汁、芝士同雞肉好match再加咗$15配🥗田園沙律＋🌽粟米忌廉湯Garden Salad + Cream Corn Soup套餐嘅沙律同湯對比散叫嘅item（🍄‍🟫蘑菇忌廉湯&🦐甜蝦沙律）份量大致相若～冇特別減少！$45一個lunch set除左抵之餘～仲可以慢慢坐catch up一下！麗港城呢間分店真係唔錯🤗

禮拜日同朋友食午餐，揀咗我哋兩個都覺得平靚正嘅薩莉亞😆因為薩莉亞餐廳嘅性價比，對於我哋嚟講都係非常之高☺️由於我好鍾意食芝士😋😆，所以我哋叫咗三倍水牛芝士薄餅，又叫咗黑椒蜆肉鐵板煮😋如果我肚餓嘅時候，基本上一定會叫pizza，因為真係好抵食，同埋對於我嚟講又好好味🤤🤤🤤 而黑椒蜆肉鐵板煮，基本上我每次食薩莉亞都會叫，因為都係好抵食同好好味😋😋😋由於我同朋友都鍾意食羊肉😆所以今次佢叫咗羊肉串一齊試吓😆食落非常之有驚喜，羊肉味好足，我哋兩個都好鍾意食😋🤤之前有時佢會叫羊鞍焗爐燒😄而家多咗一個好選擇😄👍朋友同我講話佢食過好多間薩莉亞嘅分店，佢覺得麗港城分店係數一數二最乾淨同服務效率高😄我也覺得麗港城分店好舒適😄我哋可以一路慢慢食一路慢慢傾偈☺️

Lunch time食午餐最緊要快～麗港城商場好多都係連鎖店，今次就試吓嚟薩莉亞食！好彩鋪面都算大而且人流唔算多，所以唔需要等已經即刻安排倒入座午餐仲有ABC自由選超值套餐叫咗一個溫泉蛋多利亞+意式洋蔥蒜蓉蓉燒雞（扒）有好大嘅自由度～肚餓嘅可以加多啲嘢食我哋就咁加咗沙律&粟米濃湯/飲品吧都只係$50個餐咋！好～抵～呀～👍上菜速度好快，而且嘢食上到嚟都係熱辣辣性價比高～以午餐要速食嚟講算係一個唔錯落嘅選擇

2024年又食意粉又薯蓉又咁大個麵包 埋單先$68真係好抵食個麵包好似係新款 $10 以前未食過叫佛卡夏 (原味意式麵包)我想講 個包真係好好食外脆內軟 果種軟係似印度薄餅果種酥軟個質地好正 好少食到呢種包跟住又好香橄欖油味非常推薦!!芝士薯蓉都係第一次非常有驚喜 因為真係落好多芝士中意食芝士既唔會失望因為佢係芝士多過薯蓉🤣我會話係6成芝士 4成薯蓉以致到d薯蓉既質感已經係變到好mochi咁好軟又煙韌既感覺不過我中意 下次會再叫菠菜煙肉香蒜辣汁意大利粉就每次去都會食配搭簡單 平平地 又好食D菠菜同肉絲都好嫩雖然知佢d意粉同大部分野食都係微波爐叮出黎但好食就得啦🤣🤣題外話 我成日覺得薩莉亞d侍應都有d可愛好似好多都偏內向 怕怕醜醜咁 但做野又盡責同快手同埋好細個 似中學畢業無耐Haha純粹個人睇法

呢間餐廳，都食過佢唔少分店，真係平靚正，用一個較低的價錢可以食多較多款式的美食，真係性價比高。呢間分店係麗港城，相對比較多空位，等左一陣就有位。叫左中華海草、肉醬多利亞、香草牛油焗田螺、原味雞翼、蒜汁燒魷魚。中華海草開胃小菜一碟，幾新鮮。肉醬多利亞，料足，肉醬唔少，味道恰可。原味雞翼，價錢可以，肉鮮嫩、甜，個皮整得幾香脆，鐘意雞翼人仕可以叫多幾隻食添。香草牛油焗田螺都幾香牛油味，但量少左一點。蒜汁燒魷魚，幾嫩，唔會「鞋」，熱辣辣，幾正。食物好味，份量充足，食完真係好滿足。服務細心，態度良好，超值之選!

好耐無食撒利亞 做野經過開屋邨商場食飯🍽呢間分店真係值得一個好評😋佢算裝修得靚 環境乾淨舒服🙂自助掃qr code落單其實好方便👍一個 lunch set有曬我想食既野🍴肉醬多利亞不嬲都無得輸🍛粟米湯係最愛 有d分店會好稀但佢就無🌽蒜蓉法包係必點 我其實鐘意食最燶d脆d🥖但上菜速度同所有野都熱辣辣真心好♨️沙律就正常 佢d千島醬一啲都唔慳🥬自助調咪料區都好充足🧂可能真係唔係人流好多啦👥️但作為地理偏僻既佢 真係性價比好高😉

「薩莉亞」——日本連鎖義大利菜風味餐廳係仲讀緊書嘅回憶價錢又平 味道唔差簡直係學生嘅天堂😌😌😌而家喺香港已經開到成行成市～.煙三文魚沙律 🥗 $24份量多 有4塊煙三文魚啲菜都算新鮮呢個價錢真係冇得輸自己買來整都要呢個價.明太子魷魚蝦仁意大利粉 🍝 $34味道唔錯值 $34 嘅味道 魷魚份量OK 面嘅質感都算有咬口.黑椒雞肉野菌薄餅 $34 🍕🍕🍕個餅底係偏餅同脆身嗰種如果可以好返少少會好好多呢個薄餅麻麻地雞肉唔滑.

麗港城幾個月前先啱啱開itamomo, 估唔到短短幾個月開仲已經開埋薩利亞。同樣都係意大利fusion快餐,不過薩利亞就走平價路線。30幾蚊就有一個餐，雖然份量唔算好多，但係適合細食或者進行緊少食多餐diet嘅朋友.薩利亞嘅衛生問題相信係好多報章嘅焦點，不過佢麗港城分店啱啱新開張，斷估都唔會有污糟野。所以可以放心食。但係正因為新開張，見到佢人手非常唔足夠，全場得2個侍應周圍走。好彩我都估到會好多人，所以我事先係openrice order 左外賣自取。app顯示話半個鐘頭就可以攞，但係我拎到返屋企發現個Pizza有啲凍，我諗其實15分鐘就已經可以拎。我今次叫左農舍pizza（洋蔥同菇），雞翼同漢堡。漢堡既份量係有驚喜，係平時漢堡扒兩倍嘅大細，薯角有兩三舊，粟米有幾羹，算係過下口癮。雞翼就冇期望所以冇失望。個人認為薩利亞CP值係高，味道合格，而且食咗冇肚痛，價錢實惠，適合細食嘅朋友

短短唔夠兩個星期我又再次encore , 因為佢嘅CP值實在太高。而且係新開張，貪佢夠乾淨。今日經過薩利亞，有少少肚餓，咁就諗住入去$36食塊漢堡扒，點知打開個Menu原來漢堡扒只係$32，上次喺OpenRice 平台order外賣自取原來price up 左$4。以後如果要叫外賣都係親自打電話order。今次堂食鐵板上，熱辣辣，漢堡扒上既洋蔥好似比我上次外賣嘅多，差唔多有半個洋蔥。侍應仲好有心咁問我使唔使加個飯，不過我唔想食咁飽所以冇加