丼丼亭 (Closed)

話說，上年年尾睇雜誌時見到話有間日本天丼過江龍開嚟香港，但一直都無去試因為佢位置於紅磡黃埔，唔算就腳，所以都無專登去試！今次咁啱就去黃埔有事做，所以造就咗呢次好滿意嘅天丼之旅～ 其實剛剛先去東京食咗間好好味嘅天婦羅，所以對天婦羅印象非常唔錯。呢間丼丼亭做得最好係粉漿，以呢個價錢嚟講，佢粉算幾薄，炸得剛剛好，唔會油淋淋，即使唔係話100分好味，但佢算做得幾好喇！一坐低好肚餓，但朋友未到，所以叫咗沙律食咗先。呢個雜錦魚生沙律（無記錯係$68)，佢用上柚子dressing，酸酸甜甜幾開胃，沙律菜新鮮，魚生都OK～之後我就揀咗 天盛親子丼定食 ＄88，人總是貪心，打開個menu又想食天婦羅又想食丼飯⋯⋯佢又好好有好幾款定食，有天婦羅之餘又有丼飯，價錢仲好相宜。我就Order咗呢個定食，天婦羅有蝦啦、白身魚啦、南瓜同番薯。南瓜同番薯非常甜，但佢切得比較厚少少，咬落去個皮就硬啲喇～另外，個親子丼都唔錯，最怕食到啲唔夠汁唔夠味嘅親子丼，啲雞同蛋又乾淨淨咁，但呢度就無呢個問題！本身唔係太食鰻魚嘅我，上次喺日本食過原條海鰻天婦羅一試難忘，所以今次都單點嚟試下！呢度嘅海鰻天婦羅都係原條，粉醬薄，但可惜略嫌