筷賞 (Closed)

坑口既街坊餐廳，價錢有平有貴，係我經常食既餐廳。午餐有三四款可以揀，款式有中有西，仲有學生餐，價錢係$40-50。今次就頹頹地食個常餐，豬扒麵加火腿奄列多士，正正常常唔錯。雖然係常餐，不過唔算十分頹，豬扒正常啦，湯都落左少少配菜。常餐份量都唔少，絕對夠我食飽。仲叫左個牛扒蛋包意粉，意粉係蕃茄煮既，唔係咁多地方食到。可以轉飯或者薯條。另外，佢有高級少少$60+既餐，主要係西式意粉，果d都好好食，大家可以試試佢。