CHICKEN CHIKO

Open Now

Now Closed

呢間炸雞應該係食過價錢最平民，但係味道同埋質素都超級高嘅炸雞店！食韓國菜最緊要梗係食韓式炸雞，佢哋有款韓滋味樂四拼炸雞，可以一次過任意配搭四種口味，超級啱晒我呢啲最鍾意每款都試吓味嘅人。乳酪洋蔥炸雞係最有驚喜嘅一款，脆皮嘅外層果醬乳酪令到整體嘅油膩感大大降低，而且配上洋蔥，帶少少印度菜嘅風味。咖喱王炸雞係我最鍾意嘅一款，咖喱粉有少少麥當勞Shake Shake薯條嘅風味，一啲都唔辣，反而帶少少甜，配上炸雞個配搭超級好。甜辣炸雞甜甜辣辣，但係辣感唔太重。香蒜醬油炸雞鹹鹹甜甜，都係好好食嘅一款。香蔥炸雞醬汁偏甜，配上蔥食更加清新。韓式烤牛肉飯一款好嘥時間嘅菜式，要將每款配料都切到幼細，然後再換上辣醬。呢個經典不敗組合健康又好味。泡菜餃子湯由6大粒餃子，仲有啲年糕，粉絲同埋蔬菜。泡菜偏辣，但大大粒好飽滿。烤牛捲飯上蘿蔔口感爽脆，而且淋上咗麻油，一食落去成個配搭嘅香味喺口入面爆發，絕對推介。