巴剎雞飯 (Closed)

今日嚟到西營盤呢一間食馬拉小菜嘅餐廳，地址係高街，餐廳唔難搵到，成條街都係有唔同嘅餐廳 我哋大概晚上19:30到達，好好彩地坐到餐廳最後一台！晚市都幾多人，差唔多爆滿我哋首先叫咗半隻巴剎雞，配上特製嘅酸辣醬，味道非常開胃，呢隻雞有少少似海南雞嘅原理，但係佢係去骨嘅，食起嚟非常方便 雞肉亦都非常嫩滑，唔會有好鞋嘅口感，做得唔錯 之後就叫咗一份皮蛋餃，每一份有五隻，咬落去嘅時候好新穎，因為第一次食用皮蛋做餡料嘅餃子！餃子嘅肉汁亦都非常多，外皮亦都非常薄 配搭非常新鮮，亦都令我同朋友有驚喜！之後仲叫咗三寸雞串燒，佢用一個細細的小火爐令到串燒會唔會變凍，配上佢嘅沙嗲醬食，另有一番風味 豬手飯嘅份量都非常多，啖啖肉，豬手肉質超軟，煮得非常入味，豬皮炆到入口即溶，配上白飯食，簡直係一流 南乳雞翼熱辣辣，非常鬆脆，咬落去嘅時候充滿南乳嘅味道，調味亦都唔會有太鹹，非常適中 整體用餐過程非常愉快，有機會會再嚟幫襯