老富昌餐廳 (Closed)

跟阿哥們攪食飯聚會，叫我諗地方，又要食扒又要平價，仲要响老尖，難度可謂不少。諗諗吓不如帶佢哋嚟呢度...嘢食就冇乜expectation，叫做係相對地平得嚟，質素又唔太過差...自己叫自己份，最後全部都係食自選4-course dinner。可愛嘅外甥女就學人食angel hair ^_^Appetizer係珍珠甜蝦配endive salad。蝦來自法國，味道跟日本甜蝦好相似，幾鮮；endive菜味甘苦，唔啱食嘅可能會唔like，但我又接受得到，唔錯；Boullaibaise就十分普通--- 料不足，鮮味不夠；加錢叫pan-fried foie gras。肝本身質素不俗，可惜落入庸廚手上，食味大減--- 肝入面嘅"衣"並未能徹底除淨；食落仲有苦味>.<，煎得亦有D過火；主菜係酥皮鴨腿。份量十足，直頭好似雞肶咁大隻。响鴨腿上面鋪上酥皮絕對係聰明嘅做法--- 既增加香脆口感之餘，賣相亦美觀。整體味道亦不賴，鴨腿夠鹹香，酥皮亦真的夠crispy...Dessert係傳统法式apple tart。蘋果份量如果可以多番D就更好...作為平價法菜，呢度確係入門之選...