冬蔭NOODLE (Closed)

個日係尖沙咀行完街，周圍行見到間泰國野就入左去食。一坐低店員好好招呼，比左卡拉我又介紹下餐廳既招牌食物。店內裝修簡單，但擺放左好多泰國既佈置，即刻吾同哂。冬蔭Noodle 一睇就合係食湯粉，同朋友兩個人叫左一人一碗湯麵。佢可以比你簡湯底，2樣送加邊一款麵。因為我吾食得辣，我就簡左泰保藥膳豬骨湯，叫左扎肉同魚丸配泰式粉絲。朋友就要東蔭湯，魚丸加鮮牛肉配手打烏冬。先講藥膳豬骨湯，一上到黎陣藥才味已經好香，完全係真材實料，又大大碗，粉絲亦吾係比D好平好淋身個隻，吾錯。朋友既東蔭湯底，一黎到見到碗麵係十分橙紅色，佢話吾會太辣，但味道十分濃。另外我地叫左個炒椰菜，炒得好夠獲氣，而且十分香，小小辣，好野味。另外，我叫左杯龍眼冰，有好多粒果肉，而且用椰子水去調配，清清甜甜。朋友叫左清檸梳打，佢用番泰國既梳打水，夠地道!