川婆婆 (東廣場)

Open Now

Now Closed

今日收工同朋友去咗位於觀塘東廣場嘅1樓109號舖嘅川婆婆，店內好光猛，座位數目算多，各式粉麵都有，選擇好多。我點咗花膠雞湯配薯粉，女士養顏之選，花膠大大件好足料，雞件都有好多，麵條揀咗薯粉，煙韌彈牙，好有口感，另外加咗韭菜餃同娃娃菜，就算唔夠碗麵都好豐富。朋友就點咗小辣嘅招牌豬雜粉配寬薯粉，豬雜種類豐富，店家以每日新鮮豬肉入饌來製作新菜式豬雜粉，當中包括有豬蝴蝶腩、豬肉、豬肚、豬腰、豬潤、豬粉腸、豬心、豬紅和豬腸，總共9款豬部位選擇，必定能滿足到食肉獸，每種豬雜都非常新鮮，口感各有特色，湯底香濃，寬薯粉吸收湯汁後更添風味。