Lamlam脷

Open Now

Now Closed

層數多，賣相靚，價錢中等偏貴，$36起/件我未必會再返轉頭食佢。1個人食1舊多啲已經覺得好漏，雖然的確做得好薄好多層好花心思，但啲cream都真係幾油同幾漏。❎1️⃣烏龍茶芝士奶蓋&❎2️⃣抹茶&❎3️⃣焦糖咖啡都幾苦下，唔止我一個話苦，係全家都嫌苦🥵❎1️⃣烏龍茶係最苦，苦到我以為比錯左焙茶我，苦到媽媽放棄左寧願做大嘥鬼都唔肯食😂❎2️⃣妹妹話抹茶味好似噴左西瓜霜係個口度⋯成口抹茶粉❎3️⃣焦糖咖啡似食緊苦苦地果隻炭燒咖啡糖🥵☑️4️⃣百香果芝士&☑️5️⃣赤肉蜜瓜，水果類係驚豔了，全家都話好食🥰，好香濃，好清新，令到啲cream唔會好漏，呢2隻味有機會會回購～☑️6️⃣開心果好好好香甜濃郁，呢個都好出色🫶🏻☑️7️⃣伯爵茶香香地，不過不失，但唔好同lady m拍埋一齊講會好啲，令人希望越大，失望越大。❎8️⃣海鹽芝士真係好海鹽，都幾咸下，不推薦。