HOKO Farm (Closed)

呢間西式餐廳喺商場入邊好方便，好啱放咗工之後去，算係開放式餐廳🍴今晚我哋叫咗個二人套餐，有一款前菜，兩款主菜包甜品同飲品環境好舒服，而且可以影下相 叫完餐之後坐低好快就上咗麵包同餐湯俾我哋，麵包好軟熟，配上果醬好夾！餐湯飲落酸酸甜甜好開胃，沙律好新鮮，叫咗個肉丸意粉同埋燒雞， 份量都好大碟，因為係全隻雞上！我覺得個肉丸意粉好好食， 肉丸好多汁， 燒雞係有少少乾，但係整體都唔錯，好入味，之後令我驚喜嘅係甜品今日係朱古力蛋糕， 有埋甜品真係好正！佢哋送個杯水果茶都幾好飲整體嚟講如果想食西餐，呢一間都咁嘅價錢同質素都可以一試！