韓食 (Closed)

太好喇，又揾到平野食。喺香港食韓國野多數都係偏貴，一來要捱貴租，二來就係唔知點解就係貴好多，明明好多都係普通野。揾到韓食都係因為新假期，想去太子揾平野食，睇下食評，見到評價唔錯，所以六點幾放左工就黎試下。舖頭細細間，客人人流唔算好多。有櫈俾人坐底食。炸雞看落受歡迎，見坐底還是外賣嘅都會點炸雞。可惜今晚自己一個人食，如果同朋友黎就一定試炸雞、玉子燒同年糕。我叫左辣拌冷麵。因為舖頭做外賣生意嘅關係，野食都係用即棄餐具。其實我係堂食，或者因為想望落去乾淨啲，老闆都會用蓋蓋實。份量適中，都偏多，我因為唔鍾意食泡菜嘅關係，所以覺得好咸。如果冇泡菜嘅，係非常好味，唔會太辣，多返啲青瓜絲就最正！好驚喜呀，韓食真係冇介紹錯！下次一定要試佢嘅炸雞、玉子燒同年糕！