紅蔥頭

Open Now

Now Closed

放工好肚餓，決定搵d套餐黎食，填下個叫左全日嘅胃。咁啱附近有呢間Cafe，價錢又唔貴，就試下。👅黑松露蟹籽帶子黃金意大利飯 配蕃茄湯+蒜蓉包 （$122）飯除咗有蟹籽同鮮甜既黑松露帶子之外，入面仲加咗粒粒粟米令到口感層次豐富咗。一邊食到有咬口既飯，另一邊食到粟米既脆口。而蕃茄湯甜甜地，又唔係好鹹。蒜蓉包雖然唔係好脆，但勝在有蒜蓉味，而且大大舊。👅 清涼仲夏 （跟餐+$16）杯特飲有凍橙汁+香草薄荷混合而成，飲落唔太甜之餘，飲完之後仲有好清新既感覺，岩哂而家咁熱既天氣飲。👅 一口牛 （$48）個一口牛好抵食，食落同出面鋸扒味差唔多。而且又唔使自己切開，方便哂啲懶人。仲配有加咗蒜粒既薯蓉！