Café&Meal MUJI (Closed)

好友相聚，唔好講甘多，搵返個地方食晚飯。銅鑼灣Care & Meal MUJI樓底都算，座位同座位間距離感夠，空間感尚算不錯，同朋友傾偈吹水係一個唔錯的選擇。晚上七點幾，食客唔算太多，一走入餐廳，即有職員安排座住，不過點餐就要移玉步到櫃枱下單、取餐。職員服務殷勤、有禮，訓練有素，值得一讚。下單就到櫃枱前，隔住玻璃櫃挑選食物，然後到收銀處俾錢。呢日叫左個3主食套餐，包套湯，十穀飯，份量對我黎講就岩岩好，如果胃口大d的朋友就可能未必夠。而佢地另外仲有4主食套餐，同其他選擇。呢幾日秋風起，個人好乾涸，一黎先飲個湯滋潤下個喉嚨仔先。湯微溫，湯底濃淡相宜，味精感唔算重，湯料有椰菜、紅蘿蔔、海帶等材料幾足，表現平穩。叫左十穀米，好驚喜，d米飯絕對粒粒分別之外，仲非常有質感同口感，軟棉QQ中又有d咬口，仲帶有米香，幾好。黎到主角，叫左「冬菇冬瓜」冬瓜尚算水份充足，整得幾好無鐵腥味，味道平平淡淡，清熱下火之選; 「芒果露筍沙律」d芒果幾酸下，又未出到平均成個沙律味道的層次，少少敗筆，不過沙律的材料都幾新鮮就真; 「冰蕃茄」出乎意料，一啖咬落去，成粒醬爆大牛丸甘，d汁咇鬼曬出黎，太juicy了，而個日式