如意冰室私房菜 (Closed)

返工食飯除咗好食，最緊要平靚快。茶餐廳係一個好選擇，如果又怕食黎食去都係嗰幾個餐會悶，咁如意冰室就啱晒啦！佢會定期轉佢嘅午市套餐，就算成日嚟都唔會食厭。而且鋪面有兩層，唔會怕等位等好耐。/五香肉丁午餐肉炒飯🌟邪惡之選，五香肉丁辣辣地，好開胃，仲有好多午餐肉肉粒，而且啲飯炒完一粒粒好均勻，味道平均。/脆香雞翼秘制沙嗲汁撈公仔麵🌟有得揀蒜蓉包或者多士，今次揀咗蒜蓉包，個蒜蓉包新鮮炸完，仲搽滿咗蒜蓉醬，就算放耐左都仲好香口。沙嗲汁撈公仔麵都好惹味，成個餐嘅份量一定夠哂飽。