莉苑美食 (Closed)

當日成差不多晚上8時，我阿媽話唔想煮飯，於是話不如出街食，一時之間諗唔起食咩好，叫我話事。諗咗一陣突然自己好想食酸辣麵，於是去屋企附近個間「莉苑美食」喇。當晚成8時左右，眼見當時全場爆滿，因舖位好細，老實說坐得麻麻地舒服，又係等咗唔夠3分鐘就有位坐。當日我都無需要看餐牌，我就知道我一定會叫酸辣麵，而我媽叫碗鎮江排骨麵。首先講下我碗酸辣麵先，好熱辣辣，味道不是好辣，又好足料，冬菇絲，筍絲，木耳絲。。。。至於我阿媽叫個碗鎮江排骨麵，麵同鎮江排骨分開上，好細心，D排骨好入味，肉質同骨已經離晒骨，好”林”，超容易咬得開。最後叫埋碗2碗豆腐花加糖水帶走，拎返屋企食慢慢嘆，因為係度食會貴D，而外賣豆腐花 $14蚊就有2大碗，豆腐花真係好滑，真係好正。