莉苑美食 (Closed)

莉苑嘅酸辣湯加韮菜豬肉餃子真係抵大大碗先40大洋，酸辣湯仲有好多豬肚絲，料又豐富。真係係一份值得推薦嘅餐點！不過真係好可惜聽到莉苑要結業，如果你鍾意佢哋嘅餐點，就一定要把握最後一個月多去支持下啦！希望之後可以揾到同樣出色嘅餐廳，

無論午餐早餐，都好正，性價比好高好正。比起一般連鎖店的蒸包餃子，食到既係一份不介意成本，唔會將啲野縮水，份量好合理好飽肚既心意，配合埋OpenRice外賣優惠咁用，真係叫外賣都會諗起佢。間鋪好細，好似唔太適合堂食，但外賣既話，能夠食到咁高質既食物，感覺好幸福呢。佢既用料應該算幾新鮮，始終自己個味覺比較敏感，啲野如果放得太耐，唔新鮮，好容易會感覺到。希望店鋪長做長有，繼續用心經營，喺連鎖店林立既激烈競爭中能繼續生存，長做長有。

今早6:30入去食個粢飯豆漿，個阿嬸全程黑面，坐低咗無端端要人我搬位，但係成間鋪一個客都冇，用八達通比錢又唔滿意，因為要佢行去收銀個位，所以比面色我睇，忍唔住講咗句「唔比用八達通比錢㗎」，呢間離哂大譜，唔想做生意，覺得啲客好黑你憎嘅，唔好做摺埋佢好過啦，可必要委屈自己又委屈人哋呢。奉勸大家如果EQ低嘅千祈唔好去食，好唔好食係一件事，食到一肚氣就無謂，食咗都唔落格，更何況佢啲嘢絕對唔係叫做好食囉🤬🤬🤬

好啦，今次要同大家講下呢家店嘅食物，真係令我開心到彈起🎉！先講講啲經典鍋貼，韮菜豬肉鍋貼啊，煎得啱啱好，底部又脆又香，肉餡汁多味美，嗲到不得了。再來個燒賣，佢啲肉感結實，有彈性，色澤又吸引，蘸吓醬油真係好味到爆燈💥！唔少得，仲有嗰個豆花，滑滑地入口即化，味道清新。食嗰陣心情都跟住靚晒！最正係，你唔洗使大把銀紙都食得好開心！大家來到，記得試吓啲韮菜豬肉鍋貼同埋燒賣，保證你話嘆指回味無窮。咁平實嘅價錢，又咁符合咀嚼喜好，實在係附近住客啲福音，真係好過無！又好食，又唔會嗌你破費，真係一流啦👍！话咁快，我又想再去食多轉喇！

經openrice外賣自取（韭菜水餃麵），12:27落單，12:34去到舖頭拎得，12:40返到公司打開6粒水餃既皮全部爛哂！舖頭應該係預先將水餃煮熟，浸在熱水內，而並非即點即煮！以前叫韭菜水餃麵質素都係好好，現在真的不會再幫襯！太離譜了，皮爛晒湯汁走了，水餃完全冇味😢雖然小店在鰂魚涌區內價錢親民，但食物質素真的每況愈下……很失望…..😭😭😭😭😭😭😭😭😭😭😭😭😭😭😭

望住黑面‘早晨食甚麽’ 完全欠奉。我剛昨天再去想會有改變，依然一樣。一早如早餐對住這班女火記，超無胃口。你望佢，佢避你眼，我忍唔住起身走，唔係第一次，係多次。食物ok 有豆腐花、豆漿、粥及餃子。但這倒米的招待，又要黑名單一排😠

呢間嘢的確係平靚正，豆腐花好滑，豆漿好飲，蔥油餅好香好脆，價錢親民，但服務完全係扣晒分。門口個阿嬸長期黑口黑面，唔會主動問係要咩，成日好似好燥底咁，講咗個order佢冇回應又唔知佢有冇收到，想加單又好似好燥。堂食又係唔會主動問你要咩，要俾錢嘅時候佢會用力噠低啲碟，好似你晒緊佢時間咁。喂大佬，我知你賣得平，你有壓力我有壓力，但我冇得罪你㗎喎，好聲好氣「唔該」前「唔該」後你都當我係狗，真係貼錢買難受。老細，一係就炒鬼佢，唔係嘅話呢間嘢執X咗佢吧啦！

好耐無食過鍋貼了今日去開鰂魚涌決定要去食返我嘅童年回憶但嗰度嘅姨姨已經無當年咁親切了🥲咁啱今次嚟係下午茶時間所以都幾抵食我哋叫咗一個粢飯下午茶Set - $201個粢飯再加1杯豆漿豆味都幾香而且豆漿都滑粢飯同朋友Share所以唔會話好飽滯呢個粢飯好足料每一啖都食到餡就算去到尾都唔會話淨係得返啲糯米入面有榨菜，肉鬆同油炸鬼雖然好簡單但咁嘅配搭就已經好好食咸豆漿 - $13平時自己一定唔會叫嘅嘢食不過朋友好鍾意食所以叫了咁樣就可以令我嘗試吓平時我唔會食嘅嘢😂都幾大碗入面有啲蔥，蝦皮，油炸鬼同榨菜飲落唔算太咸反而都幾淡不過濕咗嘅油炸鬼個人就唔太鍾意呢個口感朋友就覺得可以再咸啲鍋貼 - $17/5Pcs原本以為可以撘晒3款口味點知原來只可以兩溝所以最後叫咗雜菜豬肉鍋貼同純豬肉鍋貼雜菜豬肉鍋貼食落健康啲因為始終有啲菜係度但純豬肉鍋貼一咬開已經爆汁好Juicy邪惡啲但又好味啲所以我都係會投純豬肉鍋貼一票鍋貼皮唔算太厚👍🏼

好耐無食腸粉，今朝買嚟做早餐。請莉苑姐姐多麻醬，諗住滿心歡喜返去食早餐。結果莉苑姐姐一番說話，令我唔想食了……「嫌少呀？有人唔鍾意食麻醬丫嘛，麻醬係油嚟，我比成支你又點話唧，對健康無益，到時瞓醫院就唔好啦……」晨早流流要返工已經夠悲壯，仲要聽呢啲說話，好灰暗。莉苑姐姐，祝你長命百歲。

舖細，位置超逼，食物一般，價錢也不是特別平，為何服務態度如此的超級惡劣，尤其在舖面安排坐位那位上咗年紀的嬸嬸，惡言惡語都不在話下，佢對待異性嘅態度絕對比同性的和諧可親好幾百萬倍。咁趕客嘅員工都唔知點解仲可以留低。

一到午市都排滿買外賣的人，呢間真係平民店，鰂魚涌竟然仲有2X的粉面。$27炸雞翼上海面，真係太抵食。炸雞翼係即炸，又脆又香好好食，一個面有4隻。上海面配雪菜湯底加2條生菜，咁平都有咁的質素。掂啦!

第一次寫食評，食到最後，發現有隻5毫子大嘅曱甴喺湯到，作出投訴時，阿姐秒速收咗隻碗，所以只係影到一張好濛嘅相食物味道是可以的，但是衛生情況有待改善🤮🤮🤮🤮🤮

路過見到平日早餐長期都排長龍 門口望落去一般 試咗佢哋嘅小食就發現都好好食!!熱豆腐花 $10 🌸🌸🌸🌸🌸呢個真係比5星 成日食😝好綿滑同好軟 入口即溶 好香豆腐味而且係木桶即時放入去大大個膠盒入面 黃糖可以另上啱曬健康人士～ 一開始以為佢細細兜，食落去超大碗好飽肚㗎😚而豆腐如果唔落糖實際上好低卡， 當早餐同甜品食都得㗎～南瓜饅頭 $4.5 🌸🌸🌸🌸🍞饅頭成日會覺得卡路里好高～因為都少見 我就試下呢個南瓜饅頭好鬆軟好味！！ 唔會食緊南瓜嘅感覺但係好香甜 而且相對比較健康（好大個可以當午餐🤣）佢哋都有麥皮饅頭賣～會比南瓜饅頭更加大個 先$4.5性價比超高好推介食!!!!!紫薯花卷 $5.5🌸🌸🌸🌸🌸雖然唔記得咗影圖但係好靚😭😭真係好似花咁樣 個紫色好靚食落去都覺得好開心🤭味道個人就覺得同饅頭差唔多～一樣都係咁鬆軟好香值得一讚嘅係如果外賣凍豆漿會用膠樽裝😂👍豉油王炒麵屋企人食過就覺得一般啦～豆腐花大家都話好食！！值得一試！

諗住入去食個早餐，結果換黎一肚氣，俾錢佢地冇人理你，唔會問你食咩，叫左食咩又冇人理，叫完就掉俾你，今時今日咁既態度點得架！！！阿姐黑面對你，完全唔憂做。食物質素一日差過一日。

下午茶不想吃麥當奴及大家樂，於是去了這小店吃豬扒麵條。上海麵條煑得恰到好處，有咬口不糊口。湯清淡不油有少少生菜點綴。炸豬扒用碟分開上，保持香脆。雖然是雪藏豬扒，但調味得宜吃落去鬆軟好味。吃完來一碗熱豆腐花，三十元左右埋單吃飽飽，大滿足。