中興美食

Open Now

Now Closed

終於試到傳說中的西灣河太安樓即叫即炒粉麵，本來就諗住叫炒油麵，但係叫嘅時候見到腸粉，於是改變主意叫咗炒腸粉。叫咗之後可以行一陣再返轉頭攞， 33係我嘅外賣號碼，不過少S同埋一劃就唔知代表乜嘢。呢份就係我叫嘅炒腸粉真身，配料就乜都要，入面有紅腸絲火腿絲韭菜芽菜獅子狗魚蛋蟹柳等，由炒好到開始食大概隔咗30分鐘，不過仍然有熱力，都幾夠鑊氣，不過就濕咗少少，如果炒得乾身啲應該會更加好食，不過已$28嘅價錢絕對收貨有餘， 都真係幾好食。