華樂冰室

Open Now

Now Closed

大食妹襯住weekend去上環搵好姊妹食晏之前好姊妹同大食妹propose左好多間餐廳, 都俾大食妹ban左因為大部分餐廳大食妹都已經食過最後終於俾我地搵到華樂冰室<午餐B>華樂冰室嘅午餐選擇唔多, 只有四款大食妹就嗌左份午餐B午餐B包括肉類一款, 可以揀豬扒/豬頸肉/牛扒/雞扒/雞翼主食方面, 就可以係意粉/通粉/米粉/出前一丁/河粉/烏冬裏面揀一款, 全部都係湯粉, 除咗意粉可以轉茄汁/黑椒汁炒意外除此之外, 仲可以喺煎蛋牛油方包同各式多士裏面揀一款, 配埋杯咖啡或茶, 咁多嘢食先至44蚊, 性價比幾高<豬扒>肉食方面, 大食妹就揀咗豬扒豬扒煎得好脆, 而且份量好大, 口感彈牙<黑椒汁乾炒意粉>主食方面, 大食妹就揀咗黑椒汁乾炒意粉炒意粉同黑椒汁份量同樣好多, 黑椒汁味道偏辣, 而且非常濃郁, 重口味嘅朋友一定要試吓意粉質地就中等偏軟, 但非常入味<奶多>麵包方面, 大食妹就揀咗至愛嘅奶多奶多去邊, 烘得外脆內軟, 加上煉奶, 簡單但好味<熱咖啡>飲品方面, 大食妹就揀咗杯熱咖啡可能水溫太熱, 味道偏酸