華樂冰室

Open Now

Now Closed

這間咖啡館起星期日開，非常受遊客歡迎，因為星期日附近沒有其他茶餐廳開。我們叫左簡單的菜式，包括雞肉、香腸和煎蛋。雞肉味道很好，外脆內嫩，令人滿意。香腸有點鹹，但整體口感不錯。煎蛋的味道也很標準，符合我們的期望。總的來說，這是一間ok la 茶餐廳，如果無其他選擇，不妨一試！

乾炒意粉，是香港茶餐廳很具特色的一款，搜尋一番後見到這間華樂冰室。入座正常安排搭枱位置也還可以，夥計游魂，落錯單、踩到客人的腳，不知道他們怎樣送餐而不會打瀉。點了全日餐C1，選豬扒/乾炒意粉/多士，出乎意料，炒意粉獨立先上，原來只是豉油炒意粉，根本不是乾炒意粉的標準。點奶茶少奶卻來了杯茶走！我吃了一半，決定不浪費人體的quota這個餐索價$65，不貴卻絕不是物有所值，更吃了些悶氣，應該只是做遊客生意吧一定不會再來！

先帶頭盔。嚟之前係無睇過任何食評。今次就叫咗一個沙嗲牛肉通+蛋包+熱檸水，沙嗲牛肉米+熱華田，奶多，黑椒豬扒（炒）意粉+醬多+熱奶茶。基於無任何事前了解，沙嗲牛肉原來係沙嗲醬跟牛肉片。唔係沙嗲牛肉有啲失望。至於黑椒豬扒（炒）意粉就係塊豬扒原件另上+齋炒意粉，話就話係黑椒其實食落就係豉油炒意粉。食品就真係一般過一般。不過最令我唔會回頭嘅一個原因係衞生情況。舖面乾淨企理嘅。但佢哋有一個動作我睇到驚訝。就係我睇佢哋收咗客人嘅清水杯就咁倒落個黃色膠桶然後用返桶落嘅水洗下隻杯就擺返出嚟。我唔知個桶水係幾耐又或者經已倒咗幾多杯水落去。所以真係幫唔幫襯自己衡量。

朝早揹BB黎買外賣，餐廳5成滿，比人趕出門口等，出面30幾度熱辣辣。雖然係外賣，咁都係幾分鐘啫，企一陣都唔比？懷舊餐廳最重要係人情味，無左人情味極其量只係一間老舊餐廳。完。

今次嚟到呢間前排網上好高討論度嘅上環港式懷舊冰室，試咗茶餐廳比較少有嘅炒意粉，都唔錯幾有驚喜！📍 華樂冰室中環東街18號🤤 招牌豬扒+黑椒汁乾炒意粉+牛油多士 $62豬扒會成塊上好大塊，外皮非常脆，但係入邊嘅肉汁依然鎖得住，肉依然係嫩嘅，配埋炒意粉食非常之邪惡啊！意粉都炒得好乾身加埋黑椒汁有微辣嘅味道，一啖一啖食唔覺意就食曬成碟。牛油多士相對比較遜色啦。🤤蕃茄濃湯牛肉出前一丁+煎蛋多士 $62蕃茄湯好濃味，上面仲會有洋蔥做點綴，出前一丁索晒啲蕃茄湯非常好入口，牛肉都煮得好腍，不過就稍嫌冇乜牛肉味啦。煎蛋多士嘅煎蛋煎雙邊，切開流心非常好食！總括而言，呢間喺上環樓梯街附近嘅懷舊冰廳非常有港式嘅味道，食物嘅質素唔錯，雖然味道冇非常特別，但如果想重溫一下舊時嘅港式風味推薦大家嚟到訪！好食指數💗💗💗💕性價比指數💗💗💗💕回頭指數💗💗💗推薦指數💗💗💗💗follow @seriishungry 睇更多00後探店紀錄

🌟豬扒幾好食，喺調味上做得幾好, 而且係傳統茶餐廳茶記嘅風味，凍咖啡我都覺得做得幾好飲，咖啡味非常香濃，而且唔會加入太多冰，所以飲到最尾嘅時候味道都仲係喺度，反而意粉有少少鹹，最後食唔晒啲意粉，不過整體上我都覺得可以嘅，呢一個價錢亦都唔算太貴。好食程度（5粒🌟）🌟🌟🌟🌟抵食程度（5粒🌟）🌟🌟🌟🌟位置 （5粒🌟）🌟🌟🌟🌟服務態度 （5粒🌟）🌟🌟🌟衞生程度 （5粒🌟）🌟🌟🌟🌟

無論有冇疫情都係多人😊本身我唔係常客，亦都唔係老街坊，今午見唔太多人（但都要搭枱），天氣有啲熱熱地，就入去坐低 飲杯嘢。老闆娘 同職員都溫馨提示仲有20分鐘，野食未必有🥰，我哋話次次經過都見好多人，而家係最好時間入嚟坐低飲杯嘢😆😆茶走，口感未至於好順滑，但茶底同埋味道唔錯。凍鴛鴦（多奶少冰），真係做到少冰，咖啡同奶茶味好 balanced同我哋搭枱果個人食炸雞髀，見到都好正。希望下次有機會食到😜

華樂出品，必屬佳品。全日餐的炸豬排配蛋包/多士都一流，蛋包賣相精美，咬落一口有蛋汁流出，多士也十分脆。另推薦肉鬆蠔仔米，蠔仔大隻，喜歡荽茜的朋友可叫多茜👍🏻

呢間嘅嘢食好食，人少嘅時候啲姐姐仲會同你吹吓水，幾親切好開心，好有人情味。炸豬扒、炸雞扒、肉碎蠔仔米、沙嗲牛肉出前一丁麵都係我哋一般會叫嘅嘢，新鮮滾熱辣，每次都食得好開心好滿足。另外仲有沙嗲湯底、蕃茄湯底、烏冬、乾或者濕意粉可以選擇，盡顯香港茶餐廳嘅靈活百搭。佢哋嘅奶茶都沖得好好飲，香濃絲滑得來夠奶味。始終係茶餐廳，人多遊客多嘅時候會坐得冇咁舒服，但係真係街坊風味十足。算係我哋喺香港比較常去比較鍾意嘅茶餐廳。

少至多士也不知所謂，煎蛋賣相醜樣，乾面包一片，乾炒意粉室溫油膩膩，流水作業出品，求求其其。服務員對熟客可能會親切些，對生客就語氣令人反感，又不是bbq但離開店都可以成身油煙味。單看食評靠不住！

內裏只可容得下大約廿十餘人。藏頭詩，有心思!牆磚圖案是葵扇，好別緻!炒豬扒意粉豬扒蘸上少許粉，外層炸得好香脆，較吉列豬扒的厚粉外層好多!肉並非硬繃繃，而是有些嚼勁，咬着還有肉汁。意粉帶有一絲麥香，且有彈性，不用怕吃得滿咀麪粉。這是我心中炸豬扒的定義。炸豬扒的外層好薄，沒有吉列豬扒的厚沉感覺!

#華樂冰室 very tiny place, clean, server high quality set noodle. spaghetti can try black pepper, will taste better. noodle is chewy, right optimal texture.yumm fried pock choptasty milk tea. every thing is good.58$ worth it.#food #hkfood #hongkongfood #hongkong #馬保國 #太極 #omicron #食物 #香港 #香港美食 #劣食 #難食 # 狗也不#foodig #hkfoodpoet #閃電五連鞭

茶餐廳可以話係養大咗好幾代香港人，無論係朝早嘅常餐、定係炒粉麵飯，都係好多人嘅至愛🙈呢間華樂冰室鋪面唔大，但懷舊嘅裝修同放喺門外嘅木枱，令人覺得特別有風味😆午市有7個餐，今次就試下最多人叫嘅炸豬扒炒意粉配黑椒汁($58)，最抵嘅係仲有份煎蛋多，簡直係高級版嘅常餐😆食物一嚟到已經俾佢嚇親，豬扒大過我塊臉，表面嘅金黃色亦非常吸引🤩咬落去好彈牙，唔會”梳”到冇曬肉質，肥膏嘅比例亦都好合理，最重要係啲邊邊位仲好脆😋意粉炒得好乾身、冇煮過頭搞到淋晒，雖然見到面頭有好多油，但食落又唔覺得油膩🤣係近期最滿意嘅炒意粉，仲出色過塊豬扒👍🏻煎蛋多雖然只係套餐嘅一部份，但方包都有用牛油煎過，蛋黃當然係流心🤤食完就明白點解可以屹立咁多年，因為水準真係好唔錯😝

最近開始在上環上班，知道上環這裡有很多出名茶餐廳。今日早上想食下懷舊冰室，特意走來華樂冰室，喺上環站A2出口行一陣就到。餐廳雖然唔大，但都坐得唔逼。裝修充滿懷舊冰室味道，價錢都算合理。第一次來食，老闆娘親切有禮介紹餐牌食物。我選了薑汁牛肉烏冬，呢度嘅烏冬，出前一丁都唔洗另外加錢。等一陣就有得食啦，薑汁牛肉整得幾好食，無梳打粉味，熱辣辣，烏冬湯底配埋芫荽，好有屋企嘅感覺，好好味。奶茶都唔錯，下次可以再試！

去完兩個月旅行之後，我突登返到嚟華樂同老闆娘吹下兩句水！香港嘅傳統冰室已經買少見少，但真係有人情味嘅，華樂肯定係其中之一😆餐牌選擇就唔算多，但味道的確係唔錯嘅，例如我今次食嘅肉鬆蠔仔米粉都頗有水準，蠔仔夠鮮味，同埋調味都足夠～價錢都合理，五十幾六十蚊食到個餐喺呢區都算物有所值👍一路食嘅時候，老闆娘都會好熱情咁同客人吹下水，講下生活嘅瑣碎事，又會關心客人嘅日常生活，好似當客人係佢嘅朋友咁🤝一間餐廳嘅食物質素固然重要，至於真係可以連繫住你嘅心嘅話，人情味就係真諦🤪