板卷 (Closed)

呢日自己一個去開紅磡，發現有一間日式小店。呢間店環境唔大，主要做外賣同立食壽司。呢到既壽司性價比好高，而且師傅都係用心製作！今次就點左8款唔同既壽司，分別係油甘魚、三文魚、甜蝦、左口魚邊、蟹柳、蟹肉、吞拿魚蓉同埋三文魚子壽司，好豐富。最鍾意就係油甘魚同三文魚壽司，厚身又肥美！壽司飯亦都落左壽司醋同埋醬油去調味，味道岩岩好。另外呢個左口魚邊壽司都好正，入口即溶既感覺。甜蝦好大隻，又新鮮！仲有香滑既吞食魚蓉。