御品·千之味 (Eastmark)

Open Now

Now Closed

行經九龍灣 The Eastmark 見到一間壽司店🍣“千之味”，見餐牌📔有好多選擇，價錢又親民，於是買啲返屋企開心share🤗。三文魚親子盛盒1️⃣5️⃣件 $188三文魚壽司5️⃣件，三文魚🐟幾厚身，有油脂層，質感柔軟，質素比連鎖店好。三文魚腩壽司5️⃣件，三文魚腩🐟同樣厚切，質感軟腍，有魚味又帶油香🤗。三文魚籽壽司5️⃣件，份量多鋪滿整件壽司，每粒三文魚籽都脹卜卜，一口咬下勁多汁😋。帶子壽司2️⃣件 $37我買咗4️⃣件，帶子新鮮大大隻，表面帶光澤，肉質軟腍無雪味🥰。吉列炸蝦壽司2️⃣件 $ 28炸蝦🦐估唔到帶到番屋企都係脆👍，厚條炸蝦加上美乃滋一齊食，非常滿足🥰。火炙左口魚邊壽司2件 $28火炙過嘅左口魚🐟味帶焦香，雖然係邊位但依然有魚油味，肉質腍滑，唔錯🥰。總括而言，食物款式多，有刺身、壽司、定食丼飯及麵，價錢貼地，地點方便。另外餐廳還有少量座位可供堂食，可以一試。