Video
Read full review
2022-10-23
129 views
成日都聽到啲人講港式豉油西餐普普通通，而家個個都話要食咩熟成牛扒、A5和牛，但小弟覺得係因為佢哋未食過金鳳呢啲老牌西餐廳姐😎佢有間舖頭開咗喺荔枝角嘅D2 Place，入面有唔少嘅霓虹燈作為裝飾，俾人一種懷舊嘅感覺，啱晒而家潮流興嘅Vintage風。講返嘢食先，我哋叫咗一份T字骨同埋一份西冷，都係叫5成熟（medium）👍🏼一落完單，店員就好快手拎咗兩個餐湯俾我哋，一紅一白，熱辣辣配埋軟綿綿嘅餐包，天氣凍食個包飲返個湯，真係幾正。西冷牛扒我哋叫咗黑椒汁，加咗啲新鮮嘅生蒜，肉質嫩滑。T字骨我哋叫咗蒜蓉汁，肉味濃厚，不過近骨頭嘅位置會比較生，如果怕食生肉嘅朋友，可能需要叫七成熟。總括黎講，食返餐好嘅牛扒，可以考慮吓呢度，因為價錢相當親民，埋單都係三舊水🤣🤣
佢有間舖頭開咗喺荔枝角嘅D2 Place，入面有唔少嘅霓虹燈作為裝飾，俾人一種懷舊嘅感覺，啱晒而家潮流興嘅Vintage風。
講返嘢食先，我哋叫咗一份T字骨同埋一份西冷，都係叫5成熟（medium）👍🏼
一落完單，店員就好快手拎咗兩個餐湯俾我哋，一紅一白，熱辣辣配埋軟綿綿嘅餐包，天氣凍食個包飲返個湯，真係幾正。
西冷牛扒我哋叫咗黑椒汁，加咗啲新鮮嘅生蒜，肉質嫩滑。
T字骨我哋叫咗蒜蓉汁，肉味濃厚，不過近骨頭嘅位置會比較生，如果怕食生肉嘅朋友，可能需要叫七成熟。
總括黎講，食返餐好嘅牛扒，可以考慮吓呢度，因為價錢相當親民，埋單都係三舊水🤣🤣
Post
