天天餃子

Open Now

Now Closed

星期6約人studio影相，影到肚餓，就落樓買野返去食，行到毅力呢邊，見到呢間餃子鋪，好似係新開既，聞到陣餃子香味，一於試下。呢間鋪啲餃子，無論煎餃定湯餃，都可以叫2款味，咁我就一於2款湯餃2款煎餃咁試😈😈再叫多個鹵水豬腩肉。煎餃係韮菜同西洋菜，睇住佢地即場煎，好香🤤🤤煎得岩岩好，咬落去，外皮香脆，餡料有汁。掂👍👍韮菜陣味香過西洋菜，下次試下韮菜配其他味先😋😋湯餃就試佢地新品，蓮藕鮮肉+咖哩南瓜，餃子皮唔厚，肉料多，食落好juicy。本人係鍾意咖哩餃既（之前去4海8方都會叫咖哩味）但係食落就覺得蓮藕又爽又香，比咖哩南瓜好食。蓮藕出面唔多見，各位有興趣可以試下，推薦👍但係呢，我原本叫紫菜湯，佢地就落錯單比左魚肚湯我，我返到studio打開睇先發現😢😢又費時落去換啦，好彩個魚肚湯都唔錯，味道鮮而唔腥，算啦🤣🤣鹵水豬腩腩有醬汁，打開個盒就聞到香味，食落覺得鹵水味唔重，但係連醬食又好好食喎，咬落似炆完鹵水再煎一煎，好食。仲要只係賣20蚊咋，真心推薦👍👍👍另外配左2杯飲品，蘆薈茶唔錯，唔係杯出，係細樽比我地，飲落清爽，幾好。成張單加埋先百三蚊，前後加埋，好抵囉👍👍